ବାଲେଶ୍ଵର: ନୀଳଗିରିରେ ହାତୀ ଉପଦ୍ରବ। ସକାଳୁ ଗାଁରେ ପଶି ଘର ଭାଙ୍ଗିଲା କୁଳଡିଆ ଅଂଚଳରୁ ଆସିଥିବା ହାତୀ। ନିକଟ ଜଙ୍ଗଲରୁ ଆଜି ଗ୍ରାମର ବହୁ ଲୋକଙ୍କ ବାଡ଼ିରେ ପଶି ଫସଲ ନଷ୍ଟ କରିବା ସହ ଘରଗୁଡିକୁ ଉପାଡି ଫିଙ୍ଗୁଥୁବା ଦେଖିବାକୁ ମିଳିଛି। ହାତୀ ଉପଦ୍ରବ ନେଇ ଲୋକେ ଭୟଭୀତ ହୋଇ ରହିଛନ୍ତି। ସେପଟେ ହାତୀ ଉପଦ୍ରବର ସମାଧାନ ଦାବି କରି ଘଟଣାସ୍ଥଳରେ ବନ କର୍ମଚାରୀଙ୍କୁ ଅଟକ ରଖିଲେ ଗ୍ରାମବାସୀ। ବାଉଁଶବଣିଆ ପଞ୍ଚାୟତ ଅଧିନ ଢୋଲପୁର ଗାଁରେ ବନ କର୍ମଚାରୀଙ୍କୁ ଅଟକ ରଖିଛନ୍ତି। ଖବର ପାଇ ଘଟଣା ସ୍ଥଳରେ ପହଞ୍ଚିଲେ କୁଳଡିଆ ରେଞ୍ଜର। ହାତୀକୁ ଜଙ୍ଗଲକୁ ଘଉଡ଼ାଇବାକୁ ବନବିଭାଗ ଉଦ୍ୟମ ଜାରି ରହିଛି ।
