ସୁନ୍ଦରଗଡ଼: ସୁନ୍ଦରଗଡ଼ ଜିଲ୍ଲା ବଣାଇଁ ବନାଞ୍ଚଳରେ ମାତିଛି ହାତୀ। ସିଂଟୋଲା, ଦେଓଗାଁ, ଜୀବିକା, ତଳିତା, ନୂଆପାଲି, ବଣ୍ଡଡ଼ିହି ସମେତ ପ୍ରାୟ ୨୦ରୁ ୩୦ ଗାଁରେ ଦୁଇଟି ଦନ୍ତା ଚାରି ମାସ ହେଲାଣି ଚଳାଇଛନ୍ତି ଉତ୍ପାତ। ଗାଁରେ ଘର ଭାଙ୍ଗିବା ସହ ଧାନ ଖାଇ ଦେଉଛନ୍ତି । ଏପରିକି ଘରର ଆସବାବ ପତ୍ର ନଷ୍ଟ କରି ପନିପରିବା ନଷ୍ଟ କରୁଛନ୍ତି। ଫଳରେ ଉତ୍ତ୍ୟକ୍ତ ଲୋକେ ହାତୀକୁ ଘଉଡାଇବାକୁ ଦାବି କରିଛନ୍ତି। ବଣାଇଁ – ଜକୈକଳା ରାସ୍ତାକୁ ଅବରୋଧ କରିଛନ୍ତି ଗ୍ରାମବାସୀ। ବନ ବିଭାଗ ହାତୀ ଘଉଡ଼ାଇବାରେ ବିଫଳ ହେଉରୁ ଅସନ୍ତୋଷ ପ୍ରକାଶ ପାଇଛି ।
ଅନ୍ୟପଟେ ଘରେ ଶୋଇଥିବା ବେଳେ ପଶିଲା କୁଳଡିଆ ହାତୀ। ଧାନ ଖାଇବା ସହ ଘର ଛପର ଭାଙ୍ଗିବା ସହିତ ବାଇକକୁ ଭାଙ୍ଗି ଦେଲେ ହାତୀପଲ। ଗ୍ରାମବାସୀଙ୍କ ସହାୟତାରେ ଜଙ୍ଗଲକୁ ଘଉଡ଼ାଇଲେ ହାତୀ । ନୀଳଗିରି ବାଉଁଶବଣିଆ ପଞ୍ଚାୟତ ହାଟସାହି ଗାଁରେ ଘଟିଛି ଏଭଳି ଘଟଣା। କ୍ଷତିଗ୍ରସ୍ତ ପରିବାରକୁ ସହାୟତା ଦେବା ସହ ଅଞ୍ଚଳରେ ପାଟ୍ରୋଲିଂକୁ କଡାକଡି କରିବାକୁ ଦାବି କରିଛନ୍ତି ଅଞ୍ଚଳବାସୀ ।
