ଚମ୍ପୁଆ: ଘର ଭାଙ୍ଗି ଧାନ ଚାଉଳ ଖାଇ ଦେଲେ ହାତୀପଲ। ଚମ୍ପୁଆ ବ୍ଲକ ଭୂଇଁପୁର ଗାଁରେ ଏହି ଘଟଣା। ହାତୀପଲ ଘର ଭିତରୁ ଧାନ ଚାଉଳ ଖାଇଯିବା ସହ ଗାଁ ରେ ବ୍ୟାପକ କ୍ଷୟକ୍ଷତି କରିଛନ୍ତି । ଗତ କିଛି ଦିନ ହେବ ଚମ୍ପୁଆ ରେଞ୍ଜ ଛାଡି ମୟୂରଭଞ୍ଜକୁ ଚାଲି ଯାଇଥିବା ହାତୀ ପଲ ଗତକାଲି ପୁଣି ଲେଉଟି ଆସିଥିବା ବେଳେ ଭୂଇଁପୁର ଗାଁର ଦୀପକ ବାରିକଙ୍କ ଘରକୁ ଚାରି ପଟୁ ଭାଙ୍ଗି ଧାନ ଚାଉଳ ଖାଇଯାଇଛନ୍ତି l ହାତୀ ପଲ ରାତି ସାରା ଗାଁ ରେ ଉପଦ୍ରଵ କରିବା ପରେ ସକାଳେ ନିକଟସ୍ଥ କମଣ୍ଡ ଜଗଂଲକୁ ଚାଲି ଯାଇଥିବା ଜଣାପଡିଛି। ଅନ୍ୟ ପଟେ ଗତ କିଛି ଦିନ ଧରି ସଦର ରେଞ୍ଜ ରେ ଉତ୍ପାତ କରୁଥିବା ୨୩ ଦଳିଆ ହାତୀ ପଲ ମଧ୍ୟ କମଣ୍ଡ ଜଂଗଲରେ ଆସି ଏମାନଙ୍କ ସହ ମିଶି ଯାଇଥିବାରୁ ଏବେ କମଣ୍ଡ ଜଗଂଲରେ ଅଛନ୍ତି ୨୭ଟି ହାତୀ । ତେଣୁ ଆଖପାଖ ଗ୍ରାମ ବାସୀ ଆତକିଂତ ଅବସ୍ଥା ରହିଛନ୍ତି l
