ଏସିଆନ ଚମ୍ପିଆନ୍ସ ଟ୍ରଫି ହକି; ଶେଷ ଲିଗ୍ ମ୍ୟାଚରେ ଜାପାନକୁ ଭେଟିବ ଭାରତ

ଢ଼ାକା: ବାଂଲାଦେଶର ଢ଼ାକାରେ ଜାରି ରହିଛି ଏସିଆନ ଚମ୍ପିଆନ୍ସ ଟ୍ରଫି ହକି । ଏହି ଟୁର୍ଣ୍ଣାମେଣ୍ଟରେ ଟିମ୍ ଇଣ୍ଡିଆ ରବିବାର ତା’ର ଶେଷ ଲିଗ୍ ମ୍ୟାଚ ଖେଳିବାକୁ ଯାଉଛି । ଶେଷ ଲିଗ ମ୍ୟାଚରେ ଜାପାନକୁ ଭେଟିବ ଭାରତ । ଜାପାନ ବିପକ୍ଷ ମ୍ୟାଚରେ ବିଜୟ ଲାଭ କରି ଚଳିତ ଏସିଆନ ଚମ୍ପିଆନ୍ସ ଟ୍ରଫି ହକିରେ ବିଜୟର ହ୍ୟାଟ୍ରିକ କରିବା ଲକ୍ଷ୍ୟରେ ଟର୍ଫକୁ ଓହ୍ଲାଇବ ବ୍ଲୁ ବ୍ରିଗେଡ ।

?? ? ??
? Dhaka, Bangladesh
? 3:00 PM IST

The Men in ? take on Japan in our last group game of the Hero Asian Champions Trophy Dhaka 2021 ?#IndiaKaGame #HeroACT2021 pic.twitter.com/SU5xoAJVlI

— Hockey India (@TheHockeyIndia) December 19, 2021

ଏହି ଟୁର୍ଣ୍ଣାମେଣ୍ଟ ଆରମ୍ଭରୁ ଧିମା ଆରମ୍ଭ କରିଥିଲା ଟିମ୍ ଇଣ୍ଡିଆ । ପ୍ରଥମ ମ୍ୟାଚରେ କୋରିଆ ସହ ୨-୨ରେ ମ୍ୟାଚ ଡ୍ର’ ରଖିଥିଲା ଭାରତ । କିନ୍ତୁ ଏହା ପରେ ଫର୍ମକୁ ଫେରିଥିଲା ବ୍ଲୁ ବ୍ରିଗେଡ। ଦ୍ୱିତୀୟ ମ୍ୟାଚରେ ଆୟୋଜକ ବାଂଲାଦେଶକୁ ୯-୦ରେ ହରାଇ ହାସଲ କରିଥିଲା ବଡ଼ ବିଜୟ । ଦ୍ୱିତୀୟ ମ୍ୟାଚ ବିଜୟ ପରେ ତୃତୀୟ ମ୍ୟାଚରେ ଭାରତ ଭେଟିଥିଲା ପାରମ୍ପାରିକ ପ୍ରତିଦ୍ୱନ୍ଦୀ ପାକିସ୍ତାନକୁ । ଏହି ମ୍ୟାଚରେ ଭାରତ ୩-୧ରେ ପାକିସ୍ତାନକୁ ପରାଜିତ କରିଥିଲା । ପାକିସ୍ତାନ ବିପକ୍ଷରେ ବିଜୟ ସହ ଏହି ଟୁର୍ଣ୍ଣାମେଣ୍ଟର ସେମିଫାଇନାଲରେ ନିଜର ସ୍ଥାନ ପକ୍କା କରିଥିଲା ଟିମ୍ ଇଣ୍ଡିଆ ।

After each team playing 3 rounds each at least, India maintain their position at the summit! ?️#IndiaKaGame #HeroACT2021 pic.twitter.com/MAhdThDJrK

— Hockey India (@TheHockeyIndia) December 18, 2021

ଏସିଆନ ଚମ୍ପିଆନ୍ସ ଟ୍ରଫି ହକିରେ ଭାରତ ତିନୋଟି ମ୍ୟାଚ ଖେଳି ଦୁଇଟିରେ ବିଜୟ ଓ ଗୋଟିଏ ମ୍ୟାଚରେ ଡ୍ର’ ସହ ପଏଣ୍ଟ ଟେବୁଲରେ ପ୍ରଥମ ସ୍ଥାନରେ ରହିଛି । ପଏଣ୍ଟ ଟେବୁଲର ଦ୍ୱିତୀୟ ସ୍ଥାନରେ ରହିଛି କୋରିଆ, ତୃତୀୟ ସ୍ଥାନରେ ରହିଛି ଜାପାନ ଓ ଚତୁର୍ଥ ସ୍ଥାନରେ ରହିଛି ପାକିସ୍ତାନ । ଆଜି ଶେଷ ଲିଗରେ ମ୍ୟାଚରେ ମଧ୍ୟ ବିଜୟ ହାସଲ କରି ପଏଣ୍ଟ ଟେବୁଲରେ ଶୀର୍ଷ ସ୍ଥାନରେ ରହିବାକୁ ଚେଷ୍ଟା କରିବ ଟିମ୍ ଇଣ୍ଡିଆ ।