ସିଦ୍ଧାନ୍ତ ଦାସଙ୍କ ଇଂରାଜୀ ପୁସ୍ତକ ‘ବାଇ ଦ ଗ୍ରେସ ଅଫ ଗଡ’ ଉନ୍ମୋଚିତ

ଭୁବନେଶ୍ବର: ସିଦ୍ଧାନ୍ତ ଦାସଙ୍କ ଇଂରାଜୀ ପୁସ୍ତକ ଉନ୍ମୋଚିତ । ସିଦ୍ଧାନ୍ତ ଦାସଙ୍କର ଜୀବନ ବୃତ୍ତାନ୍ତକୁ ନେଇ ଇଂରାଜୀରେ ଲିଖିତ ପୁସ୍ତକ ‘ବାଇ ଦ ଗ୍ରେସ ଅଫ ଗଡ’ ଉନ୍ମୋଚିତ ହୋଇଯାଇଛି । ହୋଟେଲ ନିୟୁ ମାରିୟନ ସମ୍ମିଳନୀ କକ୍ଷରେ ଅତିଥିଙ୍କ ଗହଣରେ ଉନ୍ମୋଚିତ ହୋଇଛି ପୁସ୍ତକ ।

ବରିଷ୍ଠ ସାମ୍ବାଦିକ ସନ୍ଦୀପ ମିଶ୍ରଙ୍କ ପରିଚାଳନାରେ ଅନୁଷ୍ଠିତ ଏହି ଉତ୍ସବରେ ବିଶିଷ୍ଟ ସାହିତ୍ଯିକ ଦେବଦାସ ଛୋଟରାୟ, ହର ପ୍ରସାଦ ଦାସ, ରବି ନାରାୟଣ ସେନାପତି ଓ ପ୍ରଫେସର ଯତୀନ ନାୟକ ଯୋଗଦେଇ ଉନ୍ମୋଚିତ ପୁସ୍ତକ ଉପରେ ନିଜ ନିଜର ମତବ୍ଯକ୍ତ କରିଥିଲେ । ଲେଖକ ନିଜ ଜୀବନର ବିଭିନ୍ନ ଘଟଣା ଓ ଚରିତ୍ର ସବୁର ବର୍ଣ୍ଣନା ନିଚ୍ଛକ ଭାବରେ କରିଛନ୍ତି ବୋଲି ଅତିଥିମାନେ ଉଲ୍ଲେଖ କରିଥିଲେ । ପୁସ୍ତକରେ ଲେଖକଙ୍କର ବିରଳ ବ୍ଯକ୍ତିତ୍ବ ପ୍ରତିଫଳିତ ହୋଇଛି ବୋଲି ବକ୍ତାମାନେ ପ୍ରକାଶ କରିବା ସହ ପରବର୍ତ୍ତି ପିଢୀ ପାଇଁ ଏହା ପ୍ରେରଣାଦାୟୀ ହେବ ବୋଲି କହିଛନ୍ତି ।