କଟକ: କଟକ ତାଳଦଣ୍ଡା କେନାଲ ରୋଡ ସଂପ୍ରସାରଣ ପାଇଁ ଶୁକ୍ରବାର ଦିନ କଲେଜ ଛକ ପିଲଗ୍ରୀମ ରୋଡରେ ଜବରଦଖଲ ଉଚ୍ଛେଦ କରାଯାଉଛି। କେନାଲ କୂଳରେ ଥିବା ୩ଟି ମନ୍ଦିରକୁ ଉଚ୍ଛେଦ କରାଯାଇଛି ।
ଉଚ୍ଛେଦ ସମୟରେ ଆଇନ ଶୃଙ୍ଖଳା ପରିସ୍ଥିତିକୁ ନଜରରେ ରଖି ବ୍ୟାପକ ପୋଲିସ ଫୋର୍ସ ମୁତୟନ କରାଯାଇଛି। ଉଚ୍ଛେଦ ସମୟରେ କଟକ ଏଡିଏମ, ଡେପୁଟି କମିଶନର ଓ ବରିଷ୍ଠ ପୋଲିସ ଅଧିକାରୀ ଉପସ୍ଥିତ ରହି ଉଚ୍ଛେଦ କାମକୁ ତଦାରଖ କରିଛନ୍ତି।
ଏହା ପୂର୍ବରୁ ଗତ ଜାନୁଆରୀ ୨୭ ତାରିଖରେ କଟକ ମହାନଗର ନିଗର ଏବଂ ସି.ଡି.ଏ ଏନଫୋର୍ସମେଣ୍ଟ ସ୍କ୍ୱାଡରର ମିଳିତ ଚଢ଼ାଉରେ କଲେଜ ଛକ, ସି.ଡି.ଏ ମାର୍କେଟ କମ୍ପ୍ଲେକ୍ସ ଠାରୁ ମାଲଗୋଦାମ ଥାନା ପର୍ଯ୍ୟନ୍ତ ଉଛେଦ କରାଯାଇଥିଲା ।
