ପ୍ରାୟ ୪ଲକ୍ଷ ଠକିନେଲେ ଭଣ୍ଡ ବାବା, ଗିରଫ କଲା ପୋଲିସ

କଟକ: ପୁଣି ଚୂନ ଲଗାଇଲେ ବାବା  । ଭକ୍ତଙ୍କୁ ଲୁଟୁଥିଲେ  ଭଣ୍ଡ ବାବା  । ଆଉ ଶେଷରେ ଜେଲ ଯିବାକୁ ପଡିଛି  । ଅର୍ଥାତ କଟକରୁ  ଗିରଫ ହୋଇଛନ୍ତି ଜଣେ ଭଣ୍ଡ ବାବା । ଏହି ଭଣ୍ଡବାବା ଦ୍ବାରା ବଡ଼ ଧରଣର ଆର୍ଥିକ ଠକେଇର ଶିକାର ହୋଇଛନ୍ତି କଟକର ଏକ ଦମ୍ପତି । ଭଣ୍ଡବାବା ଯାଜପୁର ଜିଲ୍ଲାର ସିଦ୍ଧେଶ୍ବର ସାମନ୍ତରାୟକୁ ଗିରଫ କରିଛି ପୋଲିସ ।

୩ ଲକ୍ଷ ୯୦ ହଜାର ଟଙ୍କାର ଠକେଇ ଅଭିଯୋଗରେ କଟକ ବାଦାମବାଡ଼ି ଥାନାରେ ତାଙ୍କ ନାଁରେ ଏତଲା ଦିଆଯାଇଛି । ଅଭିଯୁକ୍ତ ନାଁରେ ଏକାଧିକ ଥାନାରେ ରହିଛି ମାମଲା । ବିଭିନ୍ନ ରୋଗ ଭଲ କରିବାକୁ କହି ଲୋକଙ୍କୁ ଠକୁଥିଲା ଅଭିଯୁକ୍ତ ।ଏପରି ବାବାମାନଙ୍କ ହାବୁଡ଼ରେ ନପଡ଼ିବାକୁ ଅଭିଯୋଗକାରୀ ସଂଗ୍ରାମ ଦାସ ଅପିଲ କରିଛନ୍ତି ।