ଭୁବନେଶ୍ୱର: ଗ୍ରହ ଶାନ୍ତି କରିବା ଆଳରେ ନନାଙ୍କ ହାତସଫେଇ। ପାର୍ଲର ଭିତରୁ ଚୋରି କରିନେଲେ ଟଙ୍କା, ଭୋଗ। ସିସିଟିଭିରେ କଏଦ ହେଲା ଭଣ୍ଡଙ୍କ କଳା କାରନାମା। ଏଭଳି ଭଣ୍ଡଙ୍କ ପାଇଁ ବଦନାମ ସାଧୁସନ୍ଥ। ଆପଣ ପୂଜା ପାଇଁ ଘରକୁ ନନାଙ୍କୁ ଡାକୁଛନ୍ତି କି ? ଯଦି ଡାକୁଛନ୍ତି ତେବେ ହୋଇଯାନ୍ତୁ ସାବଧାନ। କାରଣ ଆପଣଙ୍କ ଅନୁପସ୍ଥିତିରେ ଘରୁ ବୁଲିପାରେ କଳାକନା। ଏଭଳି ଏକ ଘଟଣା ଦେଖିବାକୁ ମିଳିଛି ଭୁବନେଶ୍ବର ଚକେଇସିଆଣିରେ ।
ସୂଚନା ଅନୁଯାୟୀ, ପାର୍ଲର ପୂଜା କରିବାକୁ ଯାଇଥିଲେ ନନା। ପୂଜା କରିବା ଆଳରେ ନନାଙ୍କ ଆଖି ପଡିଥିଲା କିଛି ଟଙ୍କା ଓ ସୁନା ଉପରେ। ଡ୍ର ରୁ ଟଙ୍କା ସୁନା ଲୁଟିବା ପରେ ଭୋଗ ବି ଛାଡିନଥିଲେ। ଆଖି ପିଛୁଳାକେ ସବୁ ଲୁଟି ନେଇଥିଲେ । କିନ୍ତୁ ନନାଙ୍କ କାରନାମା ଧରା ପଡିଯାଇଥିଲା ସିସିଟିଭିରେ। ପୋଲିସ ଘଟଣାର ତଦନ୍ତ କରୁଛି।
ଏଭଳି କିଛି ଭଣ୍ଡଙ୍କ ପାଇଁ ଭକ୍ତିଭାବ ଉପରୁ ବିଶ୍ବାସ ତୁଟିଯାଉଛି। ଲୋକେ ସାଧୁସନ୍ଥଙ୍କୁ ଦଲାଲ ବୋଲି ଭାବୁଛନ୍ତି। ଗତ ଜୁନ ୨୫ ତାରିଖରେ ନନ୍ଦନକାନନ ଥାନା ରଘୁନାଥପୁର ଠାରେ କିଛି ସାଧୁ ପୂଜା କରିବା ନାଁ ରେ ମୁଣ୍ଡରେ ଚନ୍ଦନ ଚିତା, ବେକରେ ରୁଦ୍ରାକ୍ଷ ଗୁଡାଇ ଘରୁ ସୁନା ଟଙ୍କା ଲୁଟି ନେଇଥିଲେ। ଏହାର ଦିନକ ପରେ ସନ୍ଦିଗ୍ଧ ଭାବେ ମଞ୍ଚେଶ୍ୱର ଇଣ୍ଡଷ୍ଟ୍ରିଆଲ ଇଷ୍ଟେଟରେ ବୁଲୁଥିବା ବେଳେ ୫ ଜଣଙ୍କୁ ଅଟକ ରଖି ପଚରାଉଚରା କରିଥିଲା ପୋଲିସ।
