କଳାହାଣ୍ଡି: କଳାହାଣ୍ଡିରେ ଚାକିରି ଦେବା ନାଁରେ ଠକେଇ ଅଭିଯୋଗ। ଭବାନିପାଟଣା ସହରରେ ଏକ ବେନାମୀ ସଂସ୍ଥା ଚାକିରୀ ଦେବା ନାଁରେ ଯୁବକଙ୍କ ସହ ଠକେଇ କରିଥିବା ଅଭୋଯୋଗ ହୋଇଛି। ବେକାର ଯୁବକମାନଙ୍କୁ ଚାକିରି ପ୍ରଲୋଭନ ଦେଖାଇ ଟଙ୍କା ଆଦାୟ କରୁଥିଲା ଏହି ଠକ ସଂସ୍ଥା। ଏଥିସହ ଯୁବକମାନଙ୍କୁ ଆଣି ଗୃହବନ୍ଦୀ କରିବା ସହ ବିଭିନ୍ନ ନିର୍ଯାତନା ଦେଉଥିବା ଅଭିଯୋଗ ମଧ୍ୟ ହୋଇଛି।
ଦେବାନ ସାହେବପଡ଼ାର ଏକ ଭଡା ଘରେ ବିଭିନ୍ନ ଜିଲ୍ଲାରୁ ୫୦ରୁ ଉର୍ଦ୍ଧ୍ବ ବେକାର ଯୁବକଙ୍କୁ ତାଲିମ ଦିଆଯାଉଥିଲା । ପ୍ରଥମେ ସେମାନଙ୍କୁ ଚାକିରି ପାଇଁ 5 ହଜାର ଟଙ୍କା ଜମା କରିବାକୁ କୁହାଯାଇଥିଲା । ଡାଟା ଅପରେଟର, ଅଫିସକାମ ଭଳି ନିଯୁକ୍ତି ଦିଆଯିବ ବୋଲି ପ୍ରତିଶ୍ରୁତି ଦେଇଥିଲେ ସଂସ୍ଥା କର୍ତ୍ତୃପକ୍ଷ । ପରେ ସମେନଙ୍କୁ ନିର୍ଯାତନା ଦିଆଯାଇଥିବା ଅଭିଯୋଗ ହୋଇଥିଲା । ପରେ ଭଦ୍ରକ ବାସୁଦେପୁରର ଜଣେ ଯୁବକ ଏନେଇ ଅଭିଯୋଗ କରିଥିଲେ । ଅଭିଯୋଗ ପରେ କଳାହାଣ୍ଡି ଏସପିଙ୍କ ନିର୍ଦ୍ଦେଶକ୍ରମେ ଦୁଇଟି ଭଡା ଘରେ ଚଢ଼ାଉ କରାଯାଉଛି । ଘଟଣାସ୍ଥଳରୁ ଗୋଟିଏ ବାଇକ୍ ଜବତ ସହ ୩ଜଣଙ୍କୁ ଅଟକ ରଖିଛି ପୋଲିସ ।
