ମିଛ ଅଡିଓ ଟେପ୍ ଭାଇରାଲ ପ୍ରସଙ୍ଗ: ଦ୍ୱିତୀୟ ଦିନରେ ପୁଣି କ୍ୟାପିଟାଲ ଥାନାରେ ହାଜର ହେଲେ ଓଡ଼ିଶା ରିପୋର୍ଟର ବାର୍ତ୍ତା ସଂପାଦକ

ଭୁବନେଶ୍ୱର: ମିଛ ଅଡିଓ ଟେପ ପ୍ରସାରଣ ପ୍ରସଙ୍ଗ । ଆଜି ଦ୍ୱିତୀୟ ଦିନରେ ପୁଣି କ୍ୟାପିଟାଲ ଥାନାରେ ହାଜର ହେଲେ ଓଡ଼ିଶା ରିପୋର୍ଟର ବାର୍ତ୍ତା ସଂପାଦକ । ଗତକାଲି ୫ ଘଣ୍ଟାରୁ ଅଧିକ ସମୟ ଧରି ଜେରା କରିଥିଲେ ତଦନ୍ତକାରୀ ଅଧିକାରୀ । ଓଟିଭିର ବାର୍ତ୍ତା ସଂପାଦକ, ଡିଜିଟାଲ ମୁଖ୍ୟ, ଓ ଇନପୁଟ୍ ଏଡିଟର ବି ନିଜ ପକ୍ଷ ରଖିବାକୁ ଥାନାରେ ପହଞ୍ଚିଥିଲେ । ତେବେ ନୂଆ ନୋଟିସ ପରେ ପୁଣି ଆସିବାକୁ କହି ଫେରାଇ ଦେଇଥିଲା ପୋଲିସ ।

୧୭ ତାରିଖରେ ହାଇକୋର୍ଟଙ୍କ ନିର୍ଦ୍ଦେଶ ପରେ କାଲି କ୍ୟାପିଟାଲ ଥାନାରେ ହାଜର ହୋଇଥିଲେ ଓଟିଭି କର୍ତ୍ତୃପକ୍ଷ । କୋଭିଡ୍‌ ହସ୍‌ପିଟାଲ ସଂପର୍କିତ ମିଛ ଅଡିଓ ପ୍ରାସାରଣକୁ ନେଇ ପୋଲିସକୁ ସହଯୋଗ କରିବା ପାଇଁ ଓଟିଭିକୁ ହାଇକୋର୍ଟ ନିର୍ଦ୍ଦେଶ ଦେଇଥିଲେ । ଓଟିଭିର ଡିଜିଟାଲ ପ୍ଲାଟଫର୍ମରେ କୋଭିଡ୍ ହସ୍‌ପି୍ଟାଲ ସଂପର୍କରେ ବିଭ୍ରାନ୍ତିକର ଅଡିଓ ପୋଷ୍ଟ ହୋଇଥିଲା । ଏହାକୁ ନେଇ ଓଟିଭି ବିରୋଧରେ କ୍ୟାପିଟାଲ ଥାନାରେ ଏତଲା ଦେଇଥିଲା ଭୁବନେଶ୍ୱର ମହାନଗର ନିଗମ । ଥାନାରେ ହାଜରେ ହେବାକୁ ଓଟିଭିର ବରିଷ୍ଠ କର୍ମକର୍ତ୍ତାଙ୍କୁ ସମନ୍‌ କରାଯାଇଥିଲା ।