ଆଜି ଚାଷୀ କରିବେ ଦେଶବ୍ୟାପୀ ରେଳରୋକ ଆନ୍ଦୋଳନ

ନୂଆଦିଲ୍ଲୀ: ନ୍ଯାଯ୍ୟ ଦାବିରେ ଆଜି ଚାଷୀ କରିବେ ଦେଶବ୍ଯାପୀ ରେଳରୋକ ଆନ୍ଦୋଳନ । ଦେଶର ବିଭିନ୍ନ ଭାଗରେ ଶତାଧିକ କୃଷକ ସଂଗଠନ କରିବେ ପ୍ରତିବାଦ । ଦିନ ୧୨ଟାରୁ ଅପରାହ୍ଣ ୪ଟା ଯାଏଁ ରେଳରୋକ କରାଯିବ । ଉତ୍ପାଦିତ ଫସଲର ସର୍ବନିମ୍ନ ସହାୟକ ମୂଲ୍ଯ ଲାଗି ଆଇନଗତ ଗ୍ଯାରେଣ୍ଟି, ସ୍ବାମୀନାଥନ କମିଶନ ସୁପାରିସ କାର୍ଯ୍ୟକାରୀ, ବିଦ୍ୟୁତ ଦେୟ ନ ବଢାଇବା, ୬୦ ବର୍ଷରୁ ଅଧିକ ଚାଷୀ ଓ କୃଷି ଶ୍ରମିକଙ୍କୁ ମାସିକ ୧୦ ହଜାର ଟଙ୍କାର ପେନସନ, ଚାଷୀଙ୍କ ଉପରୁ ଋଣ ଛାଡ଼, ୨୦୨୦-୨୧ରେ ଲଖିମପୁର ଖେରି ହିଂସା ଘଟଣାରେ ପୀଡିତଙ୍କୁ ନ୍ୟାୟ ଆଦି ଦାବି ନେଇ ଚାଲିଛି ଆନ୍ଦୋଳନ ।

ଆସନ୍ତା ୧୪ ତାରିଖରେ ମହାପଞ୍ଚାୟତ ଡାକରା ଦେଇଛି ସଂଯୁକ୍ତ କିଶାନ ମୋର୍ଚ୍ଚା । ଗତ ଫେବୃଆରୀ ୧୩ ତାରିଖରୁ ସଂଯୁକ୍ତ କୃଷକ ମୋର୍ଚ୍ଚାର ଆହ୍ବାନରେ ଚାଷୀ ଆନ୍ଦୋଳନ କରୁଛନ୍ତି । ବିବାଦର ସମାଧାନ ନେଇ କେନ୍ଦ୍ର ସରକାର ବାରମ୍ବାର ଆଲୋଚନା ପରେ ମଧ୍ଯ ସମାଧାନର ବାଟ ବାହାରି ପାରିନାହିଁ ।