ଭୁବନେଶ୍ବର: ଫେବୃଆରୀ ୧୨ ତାରିଖରେ ବିଭିନ୍ନ ଶ୍ରମିକ ସଂଗଠନର ଭାରତ ବନ୍ଦ ଡାକରା। କେନ୍ଦ୍ର ସରକାରଙ୍କ ଶ୍ରମିକମାରଣ ନୀତି ବିରୋଧରେ ଆସନ୍ତା ଏହି ବନ୍ଦ ଡାକରା ଦିଆଯାଇଛି । ଏଥିରେ ଆଇଏନ୍ଟିୟୁସି, ଏଆଇଟିୟୁସି, ଏଚ୍ଏମ୍ଏସ୍, ସିଆଇଟିୟୁ, ଏଆଇୟୁଟିୟୁସି, ଏଆଇସିସିଟିୟୁ, ଟିୟୁସିସି, ଏପିଏଫ୍ ଓ ସ୍ଵାଧୀନ ଫଡେରେସନ୍ ଆହ୍ବାନରେ ଅଖଚକ ବନ୍ଦ କରାଯିବ । ଶ୍ରମିକ ଓ କୃଷକ ସ୍ବାର୍ଥ ବିରୋଧୀ ନୀତିରେ ପରିବର୍ତ୍ତନ ଆଣିବାକୁ ବାମ ଦଳ ଦାବି କରିଛନ୍ତି l ବନ୍ଦକୁ ସମର୍ଥନ କରି ୪ ଟି ବାମଦଳ ସାମ୍ବାଦିକ ସମ୍ମିଳନୀ କରି ବନ୍ଦକୁ ସଫଳ କରିବା ପାଇଁ ଓଡିଶା ବାସିଙ୍କୁ ଅନୁରୋଧ କରିଛନ୍ତି l
କେନ୍ଦ୍ର ସରକାରଙ୍କ ଶ୍ରମିକ ସ୍ବାର୍ଥ ବିରୋଧୀ ୪ଟି ଶ୍ରମ କୋଡ୍ ବାତିଲ୍ ଓ ଅନ୍ୟାନ୍ୟ ଦାବିରେ ଏହି ବନ୍ଦ ଡାକରା ଦିଆଯାଇଛି । ବାମଦଳ ଗୁଡିକ ଅଭିଯୋଗ କରିଛନ୍ତି କେନ୍ଦ୍ର ସରକାର ଲଗାତାର ଭାବେ ଦେଶର ଶ୍ରମଜୀବୀ ଜନଗଣକୁ ଶୋଷଣ କରୁଥିବା ଅଭିଯୋଗ ହୋଇଛି । ଶ୍ରମିକ, କୃଷକ, କୃଷି ଶ୍ରମିକ, ମହିଳା, ଯୁବ ଛାତ୍ରଙ୍କ ଅଧିକାର ଉପରେ ବିଜେପି ଆକ୍ରମଣ କରି ଚାଲିଛି । ସମସ୍ତ ଆନ୍ଦୋଳନକୁ ଭୃକ୍ଷେପ ନକରି ୪୪ଟି ଶ୍ରମ ଆଇନକୁ ଭାଙ୍ଗି ଚାରୋଟି ଶ୍ରମ କୋଡ୍କୁ କାର୍ଯ୍ୟକାରୀ କରିଛନ୍ତି ସରକାର । ଏହା ବିରୋଧରେ ବନ୍ଧ ଡାକରା ଦିଆ ଯାଇଛି l ସକାଳ ୬ ରୁ ସନ୍ଧ୍ୟା ୬ ଯାଏ ୧୨ ଘଣ୍ଟିଆ ବନ୍ଧ ଡାକରା ଦିଆଯାଇଛି l ବନ୍ଧକୁ ସଫଳ କରିବା ପାଇଁ ବାମଦଳ ପକ୍ଷରୁ ଏକ ଅଟୋ ଶୋଭାଯାତ୍ରା କରାଯାଇଛି l
