କୁନୋ ଜାତୀୟ ଉଦ୍ୟାନରେ ଆଉ ଏକ ଚିତାର ମୃତ୍ୟୁ, ସାଥି ଚିତା ସହ ଲଢେଇରେ ମୃତ୍ୟୁବରଣ କରିଛି

ଭୋପାଳ: ମଧ୍ୟପ୍ରଦେଶର କୁନ୍ନୋ ନ୍ୟାସନାଲ ପାର୍କରେ ଥିବା ଆଉ ଏକ ମାଇ ଚିତା ଦକ୍ଷାର ମୃତ୍ୟୁ । ଦୁଇଟି ଅଣ୍ଡିରା ଚିତା ସହ ଲଢେଇ ଯୋଗୁଁ ଦକ୍ଷାର ମୃତ୍ୟୁ ହୋଇଥିବା ନ୍ୟାସନାଲ ପାର୍କ ପକ୍ଷରୁ କୁହାଯାଇଛି । ଦକ୍ଷିଣ ଆଫ୍ରିକାରୁ ଆସିଥିବା ଚିତା ମଧ୍ୟରୁ ବର୍ତ୍ତମାନ ପର୍ଯ୍ୟନ୍ତ ୩ଟି ଚିତାର ମୃତ୍ୟୁ ହେଲାଣି ।

୧୧ଟି ଦକ୍ଷିଣ ଆଫ୍ରିକୀୟ ଚିତା ଓ ୪ଟି ନାମିବିୟାରୁ ଚିତା ଅଣାଯାଇ କୁନ୍ନୋ ନ୍ୟାସନାଲ ପାର୍କରେ ଛଡାଯାଇଛି । ତାଙ୍କୁ ଖୁବଶୀଘ୍ର ଖୋଲା ଜଙ୍ଗଲରେ ଛଡାଯିବ ବୋଲି ରଣନୀତି ପ୍ରସ୍ତୁତ ହେଉଛି । ତାପୂର୍ବରୁ ୩ଟି ଚିତାଙ୍କର ମୃତ୍ୟୁ ହୋଇସାରିଲାଣି । ପ୍ରଜନନ ପାଇଁ ଦୁଇଟି ଅଣ୍ଡିରା ଚିତା ସହ ମାଈ ଚିତା ଦକ୍ଷାକୁ ଛଡାଯାଇଥିଲା । ସେମାନଙ୍କ ମଧ୍ୟରେ ଲଢେଇ ଯୋଗୁଁ ଗୁରୁତର ହୋଇପଡିଥିଲା ଦକ୍ଷା । ଆଜି ତାର ମୃତ୍ୟୁ ହୋଇଛି ।