ହକି ବିଶ୍ବକପ୍ ପୂର୍ବରୁ ରାଉରକେଲାରେ ପ୍ରଥମ ଅନ୍ତଃରାଷ୍ଟ୍ରୀୟ ଲିଗ୍
ଭୁବନେଶ୍ୱର: ହକି ବିଶ୍ବକପ୍ ପୂର୍ବରୁ ରାଉରକେଲା ଷ୍ଟାଡିୟମରେ ଖେଳାଯାଇପାରେ ପ୍ରଥମ ଅନ୍ତରାଷ୍ଟ୍ରୀୟ ଲିଗ୍ ମ୍ୟାଚ୍ । ଓଡ଼ିଶାରେ ଦୁଇଟି ସ୍ଥାନରେ ଖେଳାଯିବ ଲିଗ୍ ମ୍ୟାଚ୍ । ଭୁବନେଶ୍ବର ଓ ରାଉରକେଲାକୁ ଭେନ୍ୟୁ ଘୋଷଣା କରାଯାଇଛି । ଆସନ୍ତା ୨୮ ଅକ୍ଟୋବରରୁ ୫ ଜୁଲାଇ ୨୦୨୩ ପର୍ଯ୍ୟନ୍ତ ଚାଲିବ ଲିଗ୍ ମ୍ୟାଚ୍ । ଇଣ୍ଟରନ୍ୟାସନାଲ ହକି ଫେଡେରେସନ ପକ୍ଷରୁ ସୂଚନା ଦିଆଯାଇଛି ।
ଲିଗ୍ର ପ୍ରଥମ ଦିନରେ ଭାରତ ନ୍ୟୁଜିଲାଣ୍ଡକୁ ଭେଟିବ । ରାଉରକେଲାରେ ଉଦ୍ଘାଟିତ ହୋଇପାରେ ଲିଗ୍ ମ୍ୟାଚ୍ । ୩୦ ଅକ୍ଟୋବରରେ ସ୍ପେନକୁ ଭେଟିବ ଭାରତ । ତେବେ ୧୦ ମାର୍ଚରେ ଜର୍ମାନୀକୁ ଭେଟିବ ଭାରତ । ଯାହା ରାଉରକେଲାରେ ହେବ ବୋଲି ସ୍ପଷ୍ଟ ହୋଇଛି । ରାଉରକେଲାରେ ଅନ୍ତରାଷ୍ଟ୍ରୀୟ ଲିଗ୍ ମ୍ୟାଚ୍ ଆରମ୍ଭ ହେବା ନେଇ ଖୁସି ପ୍ରକଟ କରିଛନ୍ତି ଓଡ଼ିଶା ହକି ପ୍ରମୋସନାଲ କାଉନସିଲ୍ ଅଧ୍ୟକ୍ଷ ଦିଲ୍ଲୀପ ତିର୍କି । ରାଉରକେଲାରେ ଷ୍ଟାଡିୟମ ହେବା ପରେ ଏହା ପ୍ରଥମ ଅନ୍ତର୍ଜାତୀୟ ମ୍ୟାଚ୍ ହେବ ।
