ଜଗତପୁର ଶିଳ୍ପାଞ୍ଚଳରେ ଥିବା ଏକ ବିସ୍କୁଟ କାରଖାନାରେ ଭୟାବହ ଅଗ୍ନିକାଣ୍ଡ

କଟକ: କଟକ ଜଗତପୁର ଶିଳ୍ପାଞ୍ଚଳରେ ଥିବା ଏକ ବିସ୍କୁଟ କାରଖାନାରେ ଭୟାବହ ଅଗ୍ନିକାଣ୍ଡ। ନିଆଁରେ ଲକ୍ଷାଧିକ ଟଙ୍କାର ଯନ୍ତ୍ରାଂଶ, ପଲିଥିନ ଓ ପ୍ୟାକିଂ ସାମଗ୍ରୀ ପୋଡ଼ି ନଷ୍ଟ ହୋଇଯାଇଛି।

ସକାଳ ସାଢେ ୧୦ଟାରେ ହଠାତ କାରଖାନାର ତଳ ମହଲାରୁ ଏକ ତାର ଜଳି ଯାଇ ଉପର ମହଲାକୁ ମାଡି ଯାଇଥିଲା। ତୁରନ୍ତ କାରଖାନାରେ ଥିବା କର୍ମଶାଳାମାନେ ବାହାରକୁ ପଳାଇ ଆସିଥିଲେ। ଚାହୁଁ ଚାହୁଁ ଉପର ମହଲାରେ ଥିବା ଯନ୍ତ୍ରାଂଶ, ପଲିଥିନ, ପ୍ୟାକିଂ ସାମଗ୍ରୀ ହୁତୁ ହୁତୁ ହୋଇ ଜଳିଥିଲା। ଖବର ପାଇ ତିନିଟି ଦମକଳବାହିନୀ ଆସି ନିଆଁ ଲିଭା କାମରେ ଲାଗି ପଡିଥିଲେ। ପ୍ରାୟ ଦୁଇ ଘଣ୍ଟାର ଅପରେସନ ପରେ ନିଆଁ ଓ ଧୁଆଁକୁ ସଂପୂର୍ଣ୍ଣ ନିୟନ୍ତ୍ରଣ କରିଥିଲେ। ସର୍ଟ ସର୍କିଟରୁ ଏହି ଅଗ୍ନିକାଣ୍ଡ ଘଟିଥିବା ପ୍ରାଥମିକ ଭାବେ ଜଣାପଡିଥିଲେ ସୁଦ୍ଧା କାରଣ ଓ କ୍ଷୟକ୍ଷତି ସଂପର୍କରେ ତଦନ୍ତରୁ ସ୍ପଷ୍ଟ ଚିତ୍ର ମିଳିବ।