ସୋମନାଥ ହାଟରେ ଭୟାବହ ଅଗ୍ନିକାଣ୍ଡ: ୫୦ରୁ ଊର୍ଦ୍ଧ୍ୱ ପିଣ୍ଡି ଜଳି ଭସ୍ମୀଭୂତ

ଜଗତସିଂହପୁର: ସୋମନାଥ ହାଟରେ ଭୟାବହ ଅଗ୍ନିକାଣ୍ଡ । ହାଟର ପାଖାପାଖି ୫୦ରୁ ଊର୍ଦ୍ଧ୍ୱ ପିଣ୍ଡି ଜଳି ଭସ୍ମୀଭୂତ । ଅଗ୍ନିକାଣ୍ଡ କାରଣ ସ୍ପଷ୍ଟ ହୋଇନଥିବା ବେଳେ କିଛି ଅସାମାଜିକ ଯୁବକମାନେ ସିଗାରେଟ, ବିଡ଼ି କିମ୍ବା ଗଞ୍ଜେଇ ସେବନ କରୁଥିବା ବେଳେ ଏହାର ନିଆଁରେ ଏଭଳି ଭୟାବାହ ଅଗ୍ନିକାଣ୍ଡ ଘଟିଥିବା ଅନୁମାନ । ସୋମନାଥ ହାଟ ପ୍ରତେକ ସପ୍ତାହର ମଙ୍ଗଳବାର ଓ ଶନିବାର ହୋଇଥାଏ। ଗତ କାଲି ମଧ୍ୟ ହାଟ ହୋଇଥିଲା। ଏହି ହାଟ ନିକଟରେ ଏକ ଫାଣ୍ଡି ରହିଥିଲେ ମଧ୍ୟ ସେ ସେଠାରେ କୌଣସି କର୍ମଚାରୀ ରହିନଥିବା ଅଭିଯୋଗ ହୋଇଛି । ସୋମନାଥ ହାଟରେ ଭୟାବହ ଅଗ୍ନିକାଣ୍ଡ ଘଟିଥିବା ଖବର ପାଇ ଘଟଣାସ୍ଥଳରେ ପହଞ୍ଚିଥିଲା ଦମକଳ ବାହିନୀ । କିନ୍ତୁ ସେତେବେଳକୁ ଭସ୍ମୀଭୂତ ହୋଇସାରିଥିଲା ପାଖାପାଖି ୫୦ ପିଣ୍ଡି  । ଅନଲକ୍ ହେବ ପରଠୁ ବ୍ୟବସାୟୀ ନିଜ ଆର୍ଥିକ ଅବସ୍ଥାକୁ ସୁଧାରିବାରେ ଲାଗିଥିବା ବେଳେ ଏହଳି ଅଘଟଣ ସେମାନଙ୍କ ମେରୁଦଣ୍ଡ ଭାଙ୍ଗିଦେଇଛି । ଏବେ ବ୍ୟବସାୟ କରିବାକୁ ନା ରହିଛି ସ୍ଥାନ ନା ସାମଗ୍ରୀ । ଏଣୁ ଏଭଳି ସମୟରେ କେବଳ ସରକାରୀ ସହାୟତାକୁ ଭରସା ।