ବୁର୍ଲା ଭୀମସାରରେ ବ୍ଲାକ୍ ଫଙ୍ଗସ୍ ଆକ୍ରାନ୍ତ ଚିହ୍ନଟ
ସମ୍ବଲପୁର: କରୋନା କାଳରେ ଜୀବନ ନେଉଛି ବ୍ଲାକ ଫଙ୍ଗସ୍ । ଭୁବନେଶ୍ୱର ପରେ ବୁର୍ଲାରେ ବ୍ଲାକ ଫଙ୍ଗସ୍ ଆକ୍ରାନ୍ତ ଚିହ୍ନଟ ହୋଇଛନ୍ତି । ଭୀମସାର ମେଡିକାଲରେ ପ୍ରଥମ ବ୍ଲାକ ଫଙ୍ଗସ୍ ଆକ୍ରାନ୍ତ ଚିହ୍ନଟ ହୋଇଥିବା ଜଣାପଡ଼ିଛି । ରୋଗୀ ଜଣଙ୍କ ବରଗଡ଼ ଜିଲ୍ଲା ବରପାଲି ଅଞ୍ଚଳର । ସେ ଭୀମସାରର ଇଏନଟି ବିଭାଗରେ ଚିକିତ୍ସିତ ହେଉଛନ୍ତି । ଭୀମସାର ଅଧିକ୍ଷକ ପ୍ରଫେସର ଡାକ୍ତର ଲାଲ ମୋହନ ନାୟକ ଏନେଇ ସୂଚନା ଦେଇଛନ୍ତି ।
ରାଜ୍ୟ ସରକାର ବ୍ଲାକ ଫଙ୍ଗସ୍ ବା ମ୍ୟୁକରମାଇକୋସିସକୁ ମହାମାରୀ ଅଧିସୂଚିତ ରୋଗ ଘୋଷଣା କରିଛନ୍ତି । ପୂର୍ବରୁ ସରକାର ବ୍ଲାକ ଫଙ୍ଗସ୍ ପାଇଁ ରାଜ୍ୟସ୍ତରୀୟ ଟାସ୍କ ଫୋର୍ସ କମିଟି ମଧ୍ୟ ଗଠନ କରିଛନ୍ତି । ବିଶେଷକରି କରୋନା ଚିକିତ୍ସା ବେଳେ ରୋଗୀଙ୍କୁ ଦିଆଯାଉଥିବା ଷ୍ଟେରଏଡ୍ ଯୋଗୁଁ ରୋଗ ପ୍ରତିଷେଧକ ଶକ୍ତି ହ୍ରାସ ପାଉଛି ଫଳରେ ବ୍ଲାକ ଫଙ୍ଗସ୍ ଭଳି ଗୁରୁତର ରୋଗ ହେଉଛି ।
