ରାଜ କୁଶୱାହାଙ୍କ ଫଟୋ ଭାଇରାଲ, ଯାହା ପ୍ରେମରେ ପଡି ସ୍ବାମୀଙ୍କୁ ହତ୍ୟା କରିଥିଲେ ସୋନମ ..

ନନ୍ଦିଘୋଷ ବ୍ୟୁରୋ: ସାମ୍ନାକୁ ଆସିଲା ରାଜ କୁଶୱାହାଙ୍କ ଫଟୋ । ଯାହାକୁ ରାଜା ରଘୁବଂଶୀଙ୍କୁ ହତ୍ୟାର ମାଷ୍ଟରମାଇଣ୍ଡ କୁହାଯାଉଛି ।  ସୋନମଙ୍କ ସହ ମିଶି ରାଜା ରଘୁବଂଶୀଙ୍କୁ ହତ୍ୟା କରିବାକୁ ଷଡ଼ଯନ୍ତ୍ର କରିଥିବା ରାଜ କୁଶୱାହାଙ୍କୁ ପୋଲିସ ଗିରଫ କରିଛି। ତାଙ୍କ ଫଟୋ ମଧ୍ୟ ଗଣମାଧ୍ୟମରେ ପ୍ରକାଶ ପାଇଛି। ତାଙ୍କ ସହିତ ଗିରଫ ହୋଇଥିବା ତିନି ଜଣ ହତ୍ୟାକାରୀଙ୍କ ଫଟୋ ମଧ୍ୟ ସାମ୍ନାକୁ ଆସିଛି। ସେମାନେ ହେଲେ ବିଶାଲ ଚୌହାନ, ଆକାଶ ରାଜପୁତ ଏବଂ ଆନନ୍ଦ କୁର୍ମି  ।

ସେମାନେ ରାଜଙ୍କ ନିର୍ଦ୍ଦେଶରେ ରାଜାଙ୍କୁ ହତ୍ୟା କରି ନାଳରେ ଫିଙ୍ଗି ଦେଇଥିଲେ। ପୋଲିସ ସେମାନଙ୍କୁ ହେପାଜତକୁ ନେଇ ପଚରାଉଚରା କରୁଛି । ରାଜ କୁଶୱାହା ସୋନମଙ୍କ ବାପାଙ୍କ ପ୍ଲାଇଉଡ୍ ଦୋକାନରେ ବିଲିଂ କାଉଣ୍ଟରରେ କାମ କରୁଥିଲେ ଏବଂ ସୋନମଙ୍କଠାରୁ ୫ବର୍ଷ ସାନ ଥିଲେ। କିଛି ସମୟ ପାଇଁ ସେ ସୋନମଙ୍କ ଘର ପାଖରେ ମଧ୍ୟ ରହୁଥିଲେ, କିନ୍ତୁ ସେ ଦେଢ଼ ବର୍ଷ ପୂର୍ବରୁ ସେଠାରୁ ଚାଲିଯାଇଥିଲେ। ଏହି ସମୟରେ ସେ ସୋନମଙ୍କ ସହ କଥା ହେଉଥିଲେ। ଗଣମାଧ୍ୟମରେ କୁହାଯାଉଛି ଯେ ଉଭୟଙ୍କ ମଧ୍ୟରେ ସମ୍ପର୍କ ଥିଲା ଏବଂ ସେମାନେ ବିବାହ ପରେ ହିଁ ରାଜାଙ୍କୁ ହତ୍ୟା କରିବାକୁ ଯୋଜନା କରିଥିଲେ।