ନନ୍ଦିଘୋଷ ବ୍ୟୁରୋ :ରାକ୍ଷୀ ପୂର୍ଣ୍ଣିମାରେ ରାଜଧାନୀର ବିଭିନ୍ନ ମିଠା ଦୋକାନରେ ଖାଦ୍ୟ ନିରାପତ୍ତା ବିଭାଗର ଚଢ଼ାଉ। ଚଢ଼ାଉ ସମୟରେ ସୂର୍ଯ୍ୟନଗର ଅଞ୍ଚଳର ହୋଟେଲ ଭେନସ୍ ଇନ୍ ଏବଂ ଜାଗମରା ଅଞ୍ଚଳର ଏକ ମିଠା ଦୋକାନରେ ବ୍ୟାପକ ଯାଞ୍ଚ କରାଯାଇଛି। ମିଠା ତିଆରି ପାଇଁ ବ୍ୟବହୃତ ଖାଦ୍ୟ ସାମଗ୍ରୀର ମାନ ଯାଞ୍ଚ ସହ ମିଠା ପ୍ରସ୍ତୁତ ସ୍ଥାନ ଓ ସଂରକ୍ଷଣ ପାଇଁ ବ୍ୟବହୃତ ଫ୍ରିଜ୍ ସମେତ ଅନ୍ୟାନ୍ୟ ସାମଗ୍ରୀ ଯାଞ୍ଚ କରାଯାଇଛି। ଏହା ସହ ଖାଦ୍ୟ ନିରାପତ୍ତା ନିୟମ ଅବମାନନା କରୁଥିବା ଦୋକାନୀମାନଙ୍କ ଉପରେ ଜୋରିମାନା ଲାଗୁ କରିଛି ଖାଦ୍ୟ ନିରାପତ୍ତା ବିଭାଗ।
