ଫୁଲବାଣୀ: ଫୁଲବାଣୀ ବନ ବିଭାଗକୁ ବଡ ସଫଳତା। ଶିକାରୀ ଗିରଫ। ସୁଡୃକୁମ୍ପା ରେଞ୍ଜ ଅଧୀନରେ ଥିବା ଡୋଙ୍ଗା ସାଗରଖିତ ଜଙ୍ଗଲରେ ଶିକାରୀ କ୍ଯାମ୍ପ ନେଇ ସୂଚନା ପାଇଥିଲା ବନ ବିଭାଗ। ସଙ୍ଗେ ସଙ୍ଗେ ଘଟଣାସ୍ଥଳରେ ପହଞ୍ଚିଥିଲା ପୁରା ଟିମ୍। ପେଟ୍ରୋଲିଂ ଟିମ୍ ଦେଖି ୬ ଜଣ ଶିକାରୀ ଦୌଡି ପଳାଇଥିଲେ।
କ୍ୟାମ୍ପରୁ ମୃତ ଶମ୍ବର ମୁଣ୍ଡ, ୪ କୋଜି ଶମ୍ବର ମାଂସ, ଏକ ମୃତ ମାଙ୍କଡକୁ ଜବତ କରାଯାଇଛି। ଏଥି ସହ ପାଞ୍ଚଟି ଟାଙ୍ଗିଆ, ୪ଟି ଛୁରୀ ସହ ଶିକାର ପାଇଁ ବ୍ୟବହୃତ ଅନ୍ଯାନ୍ଯ ସାମଗ୍ରୀ ଜବତ କରିଛି ବନ ବିଭାଗ। ବନ ବିଭାଗ କାବୁ କରିଥିବା ଶିକାରୀ ରମେଶ ଭେଙ୍ଗରାକୁ ଅଟକ ରଖି ପଚରାଉଚରା କଲାପରେ ସମସ୍ତ ଶିକାରୀଙ୍କ ଘର ସମ୍ବଲପୁର ଜିଲ୍ଲାର ବୋଲି ଜଣାପଡିଛି। ରମେଶ ମୁର୍ମୁକୁ ଅଧିକ ପଚରାଉଚରା ପରେ ଫୁଲବାଣୀ ଏସଡିଜେଏମ୍ କୋର୍ଟକୁ ପଠାଯାଇଛି।
