ଶିକାରୀଙ୍କ ଗୁଳିମାଡ଼ରେ ବନ କର୍ମଚାରୀ ମୃତ
![Forest Watch Man Dies In Firing Of Miscreants In Bolangir](https://www.nandighoshatv.com/wp-content/uploads/2021/05/Forest-Watch-Man-Dies-In-Firing-Of-Miscreants-In-Bolangir-1-1024x576.jpg)
ବଲାଙ୍ଗିର: ଶିକାର ପାଇଁ ଯାଇଥିବା ବେଳେ ବନ କର୍ମଚାରୀଙ୍କୁ ଗୁଳିମାଡ଼ । ବଲାଙ୍ଗିର ଜିଲ୍ଲା ସଇଁତଳା ଫରେଷ୍ଟ ରେଞ୍ଜର କଦଳୀ ପ୍ରସ୍ତାବିତ ସଂରକ୍ଷିତ ଜଙ୍ଗଲରେ ଗୁଳିମାଡ଼ ହୋଇଛି । ଦୁର୍ବୃତ୍ତଙ୍କ ଗୁଳିମାଡ଼ରେ ଜଣେ ବନ କର୍ମଚାରୀଙ୍କ ମୃତ୍ୟୁ ହୋଇଥିବା ଜଣାପଡ଼ିଛି । ମୃତକ ହେଉଛନ୍ତି କରମତଲା ନର୍ସରୀର ଜଗୁଆଳି ଯୁଗେଶ୍ବର ବୁଡେକ (୧୯) ।
ଶୁକ୍ରବାର ରାତି ପ୍ରାୟ ୮ଟା ୪୦ରେ ଫରେଷ୍ଟର ସୁଧିର ଜେନାଙ୍କ ସହ ସୁଗେଶ୍ୱର କଦଳୀ ପ୍ରସ୍ତାବିତ ସଂରକ୍ଷିତ ଜଙ୍ଗଲକୁ ବାଇକରେ ଯାଇଥିଲେ । ଶିକାର ପାଇଁ ଜଙ୍ଗଲ ଭିତରକୁ ଯାଇଥିବା ୨ ଜଣ ବନ୍ଧୁକଧାରୀଙ୍କ ଗୁଳିମାଡ଼ରେ ଯୁଗେଶ୍ୱର ଗୁରୁତର ଆହତ ହୋଇଥିଲେ । ରାତି ପ୍ରାୟ ୯ଟା ୪୫ରେ ସଇଁତଳା ଡାକ୍ତରଖାନାରେ ଯୋଗେଶ୍ବରଙ୍କ ମୃତ୍ୟୁ ହୋଇଛି । ସଇଁତଳା ପୋଲିସର ଗୁଳିମାଡ଼ ନେଇ ତଦନ୍ତ ଆରମ୍ଭ କରିଛି ।