କଳାହାଣ୍ଡି: ଜେଲ ଗଲେ କୋଟିପତି ପୂର୍ବତନ ବ୍ଲକ ଅଧକ୍ଷ । ଆୟ ବହିର୍ଭୂତ ସମ୍ମତ୍ତି ଠୁଳ ଅଭିଯୋଗରେ ଜେଲ୍ ଗଲେ କଳାହାଣ୍ଡି ଜିଲ୍ଲା ଗୋଲାମୁଣ୍ଡା ପୂର୍ବତନ ବ୍ଲକ ଅଧ୍ୟକ୍ଷ ବିନ୍ଦୁ ମହାନନ୍ଦ। ଦୁଇଦିନ ତଳେ ତାଙ୍କୁ ଭୁବନେଶ୍ବରରୁ ଗିରଫ କରିଥିଲା ଭିଜିଲାନ୍ସ। ଆଜି ତାଙ୍କୁ ଜେଲ ପଠାଯାଇଛି। ଚଢଉ ବେଳେ ଭିଜିଲାନ୍ସ ଆୟବର୍ହିଭୂତ ସମ୍ପତ୍ତି ରୂପେ ୬୫ ଲକ୍ଷ ୭୪ ହଜାର ୪୬୮ ଟଙ୍କା ପାଇଛି। ଯାହାକି ସରକାରୀ ହିସାବ ଅନୁସାରେ ଆୟଠାରୁ ୧୬ଶହ ପ୍ରତିଶତ ଅଧିକ। ଏହା ବ୍ୟତୀତ ଗୋଲାମୁଣ୍ଡା ଷ୍ଟେଟ ବ୍ୟାଙ୍କରେ ୭୨ ହଜାର ଟଙ୍କା ଥିବା ବେଳେ ୫୨ ଲକ୍ଷ ର ୩ଟି ବାଇକ୍, ଏକ ଅଟ୍ଟାଳିକା ଏବଂ ସୁନା ଗହଣା, ଜମି ଇତ୍ୟାଦିର କାଗଜ ଭିଜିଲାନ୍ସ ଜବତ କରିଛି ।
ସୂଚନା ଅନୁଯାୟୀ, କଳାହାଣ୍ଡି ଜିଲ୍ଲା ଗୋଲାମୁଣ୍ଡା ପୂର୍ବତନ ବ୍ଲକ ଅଧ୍ୟକ୍ଷ ବିନ୍ଦୁ ମହାନନ୍ଦଙ୍କ ପୂର୍ବରୁ ବ୍ଲକ ଅଧ୍ୟକ୍ଷ ତାଙ୍କ କାର୍ଯ୍ୟକାଳ ସମୟରେ ବିଭିନ୍ନ ସରକାରୀ ଯୋଜନାକୁ ଜାଲିଆତି କରିଥିଲେ। ଗତ ୨୦୨୩ ମସିହା ସେପ୍ଟେମ୍ବର ୨୨ତାରିଖରେ ଜାଲିଆତି କରିଥିବା ଅଭିଯୋଗରେ ଗୋଲାମୁଣ୍ଡା ପୋଲିସ ତାଙ୍କୁ ଗିରଫ କରି କୋର୍ଟ ଚାଲାଣ କରିଥିଲା । ଏହାପରେ ଗୋଲାମୁଣ୍ଡ ବ୍ଲକରେ ନୂତନ ବ୍ଲକ ଅଧକ୍ଷ ଦାୟିତ୍ୱ ଗ୍ରହଣ କରିଥିଲେ। ଗତ ଗୋଟିଏ ମାସ ତଳେ ବିନ୍ଦୁ ମହାନନ୍ଦ ଜେଲରୁ ବେଲ ଯୋଗେ ବାହାରିବା ପରେ ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ତାଙ୍କୁ ଗିରଫ କରିବା ପରେ ଭିଜିଲାନ୍ସ ୫ ସ୍ଥାନରେ ଚଢାଉ କରିଥିଲା।
