ରାଜ୍ୟରେ ସ୍ଥାପନ ହେବ ଆଉ ୬ଟି RTPCR ଲ୍ୟାବ୍
1 min read
ଭୁବନେଶ୍ୱର: ରାଜ୍ୟରେ ଅଧିକ ଟେଷ୍ଟିଂକୁ ଗୁରୁତ୍ୱ ଦିଆଯାଉଛି । ସେଥିପାଇଁ ରାଜ୍ୟରେ ଆଉ ୬ଟି RTPCR ଟେଷ୍ଟିଂ ଲ୍ୟାବ କରାଯିବା । ଏ ନେଇ ମୁଖ୍ୟ ଶାସନ ସଚିବ ଅସିତ ତ୍ରିପାଠୀ ଅଧ୍ୟକ୍ଷତାରେ ଅନୁଷ୍ଠିତ ବୈଠକରେ ନିଷ୍ପତ୍ତି ହୋଇଛି । ଅନୁଗୁଳ, ପୁରୀ, କଳାହାଣ୍ଡି, ଝାରସୁଗୁଡ଼ା, କେନ୍ଦୁଝର ଓ ସୁନ୍ଦରଗଡ଼ରେ ହେବ ଏହି ୬ଟି ଟେଷ୍ଟିଂ ଲ୍ୟାବ ।
ଏହାସହ ଅଗଷ୍ଟ ପହିଲାରୁ ଆଇସିଏମଆର ପୋର୍ଟାଲର ରିୟଲ ଟାଇମରେ ସବୁ ରେଜଲ୍ଟ ଉପଲବ୍ଧ ହେବ । ଏବେ ଦୈନିକ ୧୩ ହଜାର ନମୁନା ପରୀକ୍ଷା ହେଉଛି । ଆବଶ୍ୟକ ଅନୁଯାୟୀ ଟେଷ୍ଟ ସଂଖ୍ୟା ବୃଦ୍ଧି ପାଇଁ ପରାମର୍ଶ ଦେଇଛନ୍ତି ମୁଖ୍ୟ ଶାସନ ସଚିବ । ଆଜି କରୋନା ମୁକାବିଲା ନେଇ ବସିଥିବା ବୈଠକରେ ସ୍ୱାସ୍ଥ୍ୟ ସଚିବ, ସ୍ୱତନ୍ତ୍ର ରିଲିଫ କମିଶନର ଉପସ୍ଥିତ ଥିଲେ। ଭିଡିଓ କନ୍ଫରେନ୍ସିଂ ଜରିଆରେ ଯୋଡ଼ି ହୋଇଥିଲେ ସବୁ ଜିଲ୍ଲାପାଳ । କରୋନା ମୁକାବିଲା ଓ ଭବିଷ୍ୟତ ରଣନୀତି ନେଇ ଆଲୋଚନା ହେଉଛି ।
ରାଜ୍ୟରେ ଆଉ ୧୪୯୯ କରୋନା ପଜିଟିଭ୍ ଚିହ୍ନଟ, ମୋଟ ପଜିଟିଭଙ୍କ ସଂଖ୍ୟା ୩୧, ୮୭୭କୁ ବୃଦ୍ଧି
