ପ୍ରେମ ପାଇଁ ସାଙ୍ଗ ସାଜିଲା ଶତ୍ରୁ: ଇନଷ୍ଟାରେ ଧମକ ପରେ ଖଣ୍ଡାରେ ହାଣି କଲା ହତ୍ଯା

ନନ୍ଦିଘୋଷ ବ୍ୟୁରୋ: ପ୍ରେମ ପାଇଁ ସାଙ୍ଗ ସାଜିଲା ସାଙ୍ଗର ଶତ୍ରୁ । ଭାଇଗିରି ଦେଖାଇ ଖଣ୍ଡାରେ ହାଣି ନେଇଗଲା ଜୀବନ । ଖୋର୍ଦ୍ଧା ଜିଲ୍ଲା ଜଟଣୀ ଥାନା ଗୋରୁହାଟ ନିକଟରେ ଜଘନ୍ଯ ହତ୍ଯାକାଣ୍ଡ । ଘରୁ ଡାକି ସ୍ମୃତି ରଞ୍ଜନ ନାୟକଙ୍କୁ ଆରଏମସି କ୍ୟାମ୍ପସ ପରିସରରେ ନିର୍ମମ ଭାବେ ହତ୍ଯା କରିବା ପରେ ଅଭିଯୁକ୍ତ ଫେରାର ହୋଇଯାଇଛନ୍ତି । ଜଟଣୀ ପୋଲିସ ମୃତଦେହ ବ୍ଯବଚ୍ଛେଦ ପାଇଁ ପଠାଇ ତଦନ୍ତ କରୁଥିବେଳେ ୩ ଜ’ଣ ନାବାଳକଙ୍କୁ ଥାନାରେ ଅଟକ ରଖି ପଚରାଉଚରା କରୁଛି ।

କିଛି ମାସ ବ୍ଯବଧାନ ପରେ ପୁଣି ଜଟଣୀରେ ଗଡ଼ିଛି ମୁଣ୍ଡ । ମାନସ ଦଳେଇ ହତ୍ୟା କାଣ୍ଡ ମନରୁ ନଲିଭୁଣୁ ଗୋରୁହାଟ ଆଦର୍ଶ କଲୋନୀର ନାବାଳକ ସ୍ମୃତି ରଞ୍ଜନ ନାୟକଙ୍କୁ ଘରୁ ଡାକି ହତ୍ୟା କରିଛନ୍ତି ତାଙ୍କ ନାବାଳକ ସାଙ୍ଗ । ଖୋର୍ଦ୍ଧା ଜଟଣୀ ଗୋରୁହାଟ ହନୁମାନ ମନ୍ଦିର ରେଗୁଲାର ମାର୍କେଟ କ୍ୟାମ୍ପସ ପରିସରରେ ନିର୍ମମ ଭାବେ ହତ୍ଯା କରିବା ପରେ ଅଭିଯୁକ୍ତ ଫେରାର ହୋଇଯାଇଛନ୍ତି । ଜଟଣୀ ପୋଲିସ ମୃତଦେହ ବ୍ଯବଚ୍ଛେଦ ପାଇଁ ପଠାଇ ୩ ଜଣ ନାବାଳକଙ୍କୁ ଥାନାରେ ଅଟକ ରଖି ପଚରାଉଚରା କରୁଛି ।

ଦିନକୁ ଦିନ ଅଶାନ୍ତ ହେଉଛି ଜଟଣୀ । ଗତ ଏପ୍ରିଲ ୩ ତାରିଖରେ ଶଣ୍ଢକୁଳ ଆଦର୍ଶ ବିଦ୍ୟାଳୟ ନିକଟରେ ମାନସ ଦଳେଇ ହତ୍ଯାକାଣ୍ଡରେ ପୋଲିସ ମୁଖ୍ୟ ଅଭିଯୁକ୍ତର ଟେର ପାଉ ନଥିବାବେଳେ ଏବେ ପୁଣି ହତ୍ଯାକାଣ୍ଡ ଲୋକଙ୍କ ଭିତରେ ଆତଙ୍କ ସୃଷ୍ଟି କରିଛି । ଆଉ କିଛିଦିନ ପରେ ଗଣେଶ ପୂଜା । ପୂଜା ଆଗରୁ ଜଟଣୀରେ ଲଗାତର ଘଟୁଥିବା ଅପରାଧ ଏବେ ପୋଲିସ ପାଇଁ ଚ୍ଯାଲେଞ୍ଜ ସୃଷ୍ଟି କରିଛି । ସେପଟେ ଘଟଣାରେ ଅଭିଯୁକ୍ତଙ୍କ ଗିରଫ ସହ ଦୃଢ କାର୍ଯ୍ଯାନୁଷ୍ଠାନ ପାଇଁ ଦାବି କରିଛନ୍ତି ମୃତ ସ୍ମୃତି ରଞ୍ଜନଙ୍କ ପରିବାର