ନୂଆଦିଲ୍ଲୀ: ଆଜିଠାରୁ ଦେଶର ଅର୍ଥନୈତିକ କ୍ଷେତ୍ରରେ ଆସିବ ଅନେକ ପରିବର୍ତ୍ତନ। ଭାରତୀୟ ରିଜର୍ଭ ବ୍ଯାଙ୍କ, ରେଳବାଇ ସମେତ ଅନ୍ଯାନ୍ଯ ବିଭାଗ ପକ୍ଷରୁ ଏହି ପରିବର୍ତ୍ତନ କରାଯାଇଛି। ଆରବିଆଇ ପକ୍ଷରୁ ଏକ ସଂଶୋଧିତ ଡୋମେଷ୍ଟିକ ମନି ଟ୍ରାନ୍ସଫର ବା ଡିଏମଟି ବ୍ଯବସ୍ଥା କାର୍ଯ୍ୟକାରୀ କରାଯିବ। ଉପଭୋକ୍ତାଙ୍କ ସୁରକ୍ଷା ଲାଗି ଏହା ଉଦ୍ଦିଷ୍ଟ। ଷ୍ଟେଟବ୍ୟାଙ୍କର ଅନସିକ୍ଯୁରଡ କ୍ରେଡିଟ କାର୍ଡ ଲାଗି ମାସିକ ଆର୍ଥିକ ଦେୟ ୩.୭୫ପ୍ରତିଶତକୁ ବୃଦ୍ଧି କରାଯାଇଛି।
ଏହା ସହ ୫୦ ହଜାର ଟଙ୍କାରୁ ଉର୍ଦ୍ଧ୍ବ ୟୁଟିଲିଟି ପେମେଣ୍ଟ କ୍ଷେତ୍ରରେ ଅତିରିକ୍ତ ୧ ପ୍ରତିଶତ ଧାର୍ଯ୍ୟ ହେବ ଭାରତୀୟ ରେଳବାଇ ବି କାର୍ଯ୍ୟକାରୀ କରିଛି ନୂଆ ନିୟମ। ଅଗ୍ରୀମ ଟିକେଟ ବୁକିଂ ସମୟ ସୀମା ୧୨୦ ଦିନରୁ ୬୦ ଦିନକୁ ହ୍ରାସ କରାଯାଇଛି। ଶେଷ ମୁହୂର୍ତ୍ତରେ ଆସୁଥିବା ଯାତ୍ରୀଙ୍କ ସ୍ବାର୍ଥ ଲାଗି ଏହା କାର୍ଯ୍ୟକାରୀ କରାଯାଇଛି। ଆଜି ବି ପରିବର୍ତ୍ତିତ ହୋଇପାରେ ଏଲପିଜି ସିଲିଣ୍ଡର ଦର। ବଜାର ସ୍ଥିତିକୁ ଦୃଷ୍ଟିରେ ରଖି ବଦଳି ପାରେ ପ୍ରାଇସ।
