ଜାଣନ୍ତୁ ୩ ଦିନରେ କେତେ ଟଙ୍କା ବ୍ୟବସାୟ କଲାଣି ’ଗଦର-୨’

ନୂଆଦିଲ୍ଲୀ: ବକ୍ସ ଅଫିସରେ ବୋବାଲ କରୁଛି ସନ୍ନି ଦେଓଲଙ୍କ ଅଭିନୀତ ଫିଲ୍ମ ’ଗଦର-୨’ । ୮୦ କୋଟି ଟଙ୍କା ବିନିମୟରେ ନିର୍ମାଣ ହୋଇଥିବା ଏହି ଫିଲ୍ମ ୩ ଦିନ ମଧ୍ୟରେ ଶହେ କୋଟି ପାର କରିଛି । ଚଳିତବର୍ଷ ରିଲିଜ ହୋଇଥିବା ଦ୍ବିତୀୟ ବୃହତମ ରୋଜଗାର ଫିଲ୍ମ ହୋଇ ପାରିଛି ।ଶାହାରୁଖ ଖାନଙ୍କ ’ପଠାନ’ ପରେ ଗଦର-୨ ରେକର୍ଡ କରିବାକୁ ଯାଉଛି । ଶହାରୁଖଙ୍କ ଫିଲ୍ମ ୫ଶହ କୋଟିରୁ ଅଧିକ ଟଙ୍କା ରୋଜଗାର କରିଥିବାବେଳେ ସନ୍ନି ଦେଓଲଙ୍କ ଫିଲ୍ମ ମଧ୍ୟ ୫ଶହ କୋଟି କ୍ଲବରେ ସାମିଲ ହେବ ବୋଲି ପ୍ରେଯାଜନା ସଂସ୍ଥା ପକ୍ଷରୁ ଆଶା ପ୍ରକାଶ କରାଯାଇଛି ।

ଶୁକ୍ରବାର ରିଲିଜ ହୋଇଥିବା ଏହି ଫିଲ୍ମ ପ୍ରଥମ ଦିନରେ ୪୦ କୋଟିର ଅଧିକ ଟଙ୍କା ରୋଜଗାର କରିଥିଲା । ଦ୍ବିତୀୟ ଦିନରେ ୪୩ରୁ ୪୪ କୋଟି ଟଙ୍କା ରୋଜଗାର କରିଥିବାବେଳେ ରବିବାର ୫୧ରୁ ୫୨ କୋଟି ଟଙ୍କା ବ୍ୟବସାୟ କରି ପାରିଛି । ମାତ୍ର ୩ଦିନରେ ୧୩୪ କୋଟିରୁ ଅଧିକ ଟଙ୍କା ରୋଜଗାର କରିଛି ।