ନନ୍ଦିଘୋଷ ବ୍ୟୁରୋ : ସମ୍ବଲପୁରର ଗଙ୍ଗାଧର ମେହେର ବିଶ୍ଵବିଦ୍ୟାଳୟର ୱେବସାଇଟକୁ ହ୍ୟାକ କରାଯାଇଥିବାର ଅଭିଯୋଗ ହୋଇଛି। ଏହି ୱେବସାଇଟ୍ ଖୋଲିଲେ ସେଥିରେ ବାହାରୁଛି ପାକିସ୍ତାନୀ ପତାକା। ତେଣୁ ଆଶଙ୍କା କରାଯାଉଛି ଏହି କାମ ପାକିସ୍ତାନୀ ହ୍ୟାକର କରିଥାଇପାରନ୍ତି। ଆଗରୁ ମଧ୍ୟ ଥରେ ଏହି ୱେବସାଇଟ ହ୍ୟାକ କରାଯାଇଥିଲା। GMU ର ଅନେକ ଗୁରୁତ୍ଵପୂର୍ଣ୍ଣ ତଥ୍ୟ ଏହି ୱେବ୍ ସାଇଟରେ ଥିବାରୁ ସେହି ସବୁ ଡାଟା ଚୋରି ହୋଇପାରେ ବୋଲି ଆଶଙ୍କା ପ୍ରକାଶ ପାଇଛି।
