ଗଞ୍ଜାମ: ବେଆଇନ ଭାବେ ମୋରମ ଚାଲାଣ ବେଳେ ଟ୍ରକ ଓଲଟି ଡ୍ରାଇଭର ମୃତ । ଗଞ୍ଜାମ ଜିଲ୍ଲା ପୁରୁଷୋତ୍ତମପୁର ଥାନା ଅନ୍ତର୍ଗତ ଝରଣା ପାହାଡ଼ରୁ ଟ୍ରକଟି ଓଲଟି ପଡ଼ିଲା । ତହସିଲଦାରଙ୍କ ବିନା ପରିମିଶନରେ ଏହି ପାହାଡ଼ରୁ ବେଆଇନ ଭାବେ ମୋରମ ଚାଲଣ ହେଉଥିଲା । ଆଜି ସକାଳୁ ମୋରମ ବୋଝେଇ ଟ୍ରକଟି ଭାରସାମ୍ୟ ହରାଇ ଓଲଟି ପଡିବାରୁ ଘଟଣାସ୍ଥଳରେ ଡ୍ରାଇଭରଙ୍କ ମୃତ୍ୟୁ ହୋଇଛି। ପୁରୁଷୋତ୍ତମପୁର ଥାନା ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରିବା ସହ ତଦନ୍ତ ଆରମ୍ଭ କରିଛି।
ସେପଟେ ବେଆଇନ ମୋରମ ଚାଲାଣ ବନ୍ଦ କରିବା ପାଇଁ ପ୍ରଶାସନ ପଦକ୍ଷେପ ନେବାକୁ ସ୍ଥାନୀୟ ଲୋକ ଦାବି କରିଛନ୍ତି।
