ଗ୍ୟାରେଜ ମେକାନିକଙ୍କ ଝିଅ ପାଇଲେ ଓଏଏସ୍
ଜୟପୁର: କନେଷ୍ଟବଳରୁ ଓଏଏସ୍ ଅଫିସର । ଗ୍ୟାରେଜ ମେକାନିକଙ୍କ ଝିଅ ପାଇଲେ ଓଏଏସ୍ । ଏ ପ୍ରେରଣାଦାୟୀ ଖବର ଜୟପୁର ସହର ପାରାବେଡ଼ାର । ଗ୍ୟାରେଜ ମେକାନିକ ରାଜାରାମ ସିଂଙ୍କ ଝିଅ ଋତୁ ସିଂଙ୍କୁ ନେଇ ସାରା ଜିଲ୍ଲାରେ ଚର୍ଚ୍ଚା ।
କ୍ରିକେଟର ଭାବେ ନିଜକୁ ପରିଚିତ କରାଇଥିବା ଋତୁ, ବହୁକଷ୍ଟରେ ପାଠ ପଢି କନେଷ୍ଟବଳ ଚାକିରି କରିଥିଲେ । ମାତ୍ର ଏତିକିରେ ସରିନିଥିଲା ଋତୁଙ୍କର ସ୍ୱପ୍ନ । ସୋମବାର ଘୋଷଣା ହୋଇଥିବା ଓଏଏସ୍ ରେଜଲ୍ଟରେ ୨୦୪ ରାଙ୍କ ପାଇଛନ୍ତି ।
ଋତୁଙ୍କ ସଫଳତା ପରେ ସାରା ଜିଲ୍ଲାରେ ଖୁସିର ଲହରୀ ଖେଳିଯାଇଥିବା ବେଳେ ସଫଳତାର ଶ୍ରେୟ ପରିବାର ଏବଂ କୋରାପୁଟ ପୋଲିସକୁ ଦେଇଛନ୍ତି ଋତୁ ।
