ଗମ୍ଭୀରଙ୍କୁ ମିଳିଲା ଆଉ ଏକ ଧମକପୂର୍ଣ୍ଣ ଇ-ମେଲ; କହିଲେ ଦିଲ୍ଲୀ ପୋଲିସ ଆମର କିଛି କରିପାରିବ ନାହିଁ

ନୂଆଦିଲ୍ଲୀ: ପୁଣି ଥରେ ଗୌତମ ଗମ୍ଭୀରଙ୍କୁ ମିଳିଲା ହତ୍ୟା ଧମକ । ଇଷ୍ଟ ଦିଲ୍ଲୀ ସାଂସଦ ଓ ପୂର୍ବତନ ଭାରତୀୟ ବ୍ୟଟ୍ସମ୍ୟାନ ଗୌତମ ଗମ୍ଭୀରଙ୍କ ପାଖକୁ ଗତରାତିରେ ଆଉ ଏକ ମେଲରେ ହତ୍ୟା ଧମକ ମିଳିଛି । ଏହି ଇ-ମେଲରେ କୁହାଯାଇଛି କି ଆପଣ ସୁରକ୍ଷାରେ ଥିବା ପୋଲିସ ବି କିଛି କରିପାରିବେ ନାହିଁ । ଯେଉଁ ଇ-ମେଲ ଆଇଡିରୁ ମେସେଜ ଆସିଛି ସେହି ଇ-ମେଲ ହେଉଛି [email protected] ।

ଗୌତମଙ୍କ ପାଖକୁ ଆସିଥିବା ଇ-ମେଲରେ ଲେଖଯାଇଥିଲା କି ଦିଲ୍ଲୀ ପୋଲିସ ଓ ଆଇପିଏସ ଶ୍ବେତା ଆମର କିଛି କରି ପାରିବେ ନାହିଁ । ଆମର ଗୁପ୍ତଚର ଦିଲ୍ଲୀ ପୋଲିସ ମଧ୍ୟରେ ରହିଛନ୍ତି । ଯିଏ କି ତୁମ ବିଷୟରେ ଆମକୁ ସବୁ ସୂଚନା ପ୍ରଦାନ କରୁଛନ୍ତି ।

BJP MP Gautam Gambhir has allegedly received a third threat e-mail from 'ISIS Kashmir', Delhi Police also mentioned in the mail: Delhi Police

— ANI (@ANI) November 28, 2021

ଗୌତମଙ୍କ ପାଖକୁ ଆସିଥିବା ଇ-ମେଲରେ ଯେଉଁ IPS ଶ୍ବେତାଙ୍କ କଥା କହୁଯାଇଛି ସେ ସେଣ୍ଟ୍ରାଲ ଡିଷ୍ଟ୍ରିକ୍ଟ ଏରିଆର ଡିସିପି । ତେବେ ଏହା ପ୍ରଥମ ଇ-ମେଲ ନୁହେଁ ଏହା ପୂର୍ବରୁ ଗୌତମଙ୍କ ମେଲକୁ ଦୁଇ ଥର ଧମକ ପୂର୍ଣ୍ଣ ମେସେଜ ଆସିଥିଲା । ଯେଉଁଥିରେ ତାଙ୍କୁ ହତ୍ୟା କରିବାକୁ ଧମକ ମିଳିଥିଲା । ତେବେ ଏହି ସବୁ ମେଲ ଆସିବା ପରେ ଗୌତମ ଗମ୍ଭୀରଙ୍କ ଘର ବାହାରେ ସୁରକ୍ଷା ବ୍ୟବସ୍ଥା କଡ଼ା କଡି କରାଯାଇଛି । ଅନ୍ୟପଟେ ଏହି ମେଲ ପାକିସ୍ତାନର କରାଚୀରୁ ଆସିଛି ବୋଲି ସୂଚନା ମିଳିଛି ।