ସାବଧାନ ! ବୀରମହାରାଜପୁର ମହାନଦୀରେ କୁମ୍ଭୀର ..

ସୁବର୍ଣ୍ଣପୁର : ମହାନଦୀରେ ଘଡିଆଳ କୁମ୍ଭୀର। ନଦୀକୁ ଯିବାକୁ ବାରଣ କଲା ବନ ବିଭାଗ । ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ଦୁରଦୁରା ନିକଟ ମହାନଦୀ ଘାଟରେ ଏହି କୁମ୍ଭୀର ଦେଖିବାକୁ ମିଳିଛି। ବନ ବିଭାଗ ସୂଚନା ପାଇଲା ପରେ ଲୋକଙ୍କୁ ସତର୍କ କରିଦେଇଛି। ନଦୀକୁ ନ ଯିବା ପାଇଁ ଲୋକକୁ ମାଇକରେ ସତର୍କ କରାଯାଇଛି। ଗତକାଲି କିଛି ଲୋକ ମହାନଦୀକୁ ଗାଧୋଇବାକୁ ଯାଇଥିଲେ । ଏହି ସମୟର ମହାନଦୀ ଘାଟରେ ଏକ କୁମ୍ଭୀର ଦେଖିବାକୁ ପାଇଥିଲେ । ସେହି ସମୟରୁ ଲୋକେ ଆଉ ନଦୀକୁ ଯାଇ ନାହାଁନ୍ତି।

ବୀରମହାରାଜପୁର ରେଞ୍ଜର ଅବିନାଶ ବରିହା ଓ ଅନ୍ୟ ବନ କର୍ମଚାରୀମାନେ ସେହି ଘାଟକୁ ଯାଇ ଅନୁଧ୍ୟାନ କରିଛନ୍ତି । ପରେ ଦୁରଦୁରା ବନପାଳ ଲିଙ୍ଗରାଜ ନାଏକଙ୍କ ତତ୍ତ୍ଵାବଧାନରେ ବନ ବିଭାଗର ଏକ ଟିମ ଦୁରଦୁରା, ଟେଭାପଦର ଓ ନଦୀ କୂଳିଆ ଗାଁ ଲୋକ ସମତେ ନଦୀ ଖଣ୍ଡିଆ ଜନ ବସତି ଅଞ୍ଚଳକୁ ଯାଇ ଲୋକଙ୍କୁ ନଦୀକୁ ନଯିବାକୁ ସଚେତନ କରିଛନ୍ତି ।