ଟାର୍ଗେଟରେ ବିବାହ ମଣ୍ଡପ: ସୁନା, ଟଙ୍କା ଓ ଗିଫ୍ଟ ହଡ଼ପ କଲା ଲୁଟେରା

ଭୁବନେଶ୍ବର: ଲୁଟେରାଙ୍କ ନୂଆ ତରିକା । ଟାର୍ଗେଟରେ ବିବାହ ଉତ୍ସବ । ଅତିଥି ହୋଇ ଆସୁଛନ୍ତି । ଗିଫ୍ଟ ଟଙ୍କା ଓ ସୁନାଗହଣା ଧରି ଚମ୍ପଟ ମାରୁଛନ୍ତି । ରାଜଧାନୀ ଭୁବନେଶ୍ବରରୁ ଆସିଛି ଏମିତି ଅଭିଯୋଗ ।

ଅଭିଯୋଗ ଅନୁସାରେ, କଳ୍ପନା ଛକରେ ଥିବା ହୋଟେଲ କଳିଙ୍ଗ ଅଶୋକରେ ହୋଇଥିଲା ଏକ ବାହାଘର । ତେବେ ଚୋର ଲକ୍ଷାଧିକ ଟଙ୍କାର ସୁନା ଗହଣା ଓ ନଗଦ ଟଙ୍କା, ଗିଫ୍ଟ ଚୋରି କରିଥିବା ହୋଇଛି ଅଭିଯୋଗ । ଏନେଇ ବଡଗଡ଼ ଥାନାରେ ଅଭିଯୋଗ କରିଛନ୍ତି ଝିଅର ବାପା। ହୋଟେଲ କର୍ତ୍ତୃପକ୍ଷଙ୍କ ଅବହେଳା ଯୋଗୁଁ ଲୁଟ ହୋଇଥିବା ଝିଅର ବାପା କହିଛନ୍ତି । ହୋଟେଲରେ କୌଣସି ସିସିଟିଭି ବା ସୁରକ୍ଷା ବ୍ୟବସ୍ଥା ନଥିବାରୁ ଅସନ୍ତୋଷ ପ୍ରକାଶ କରିଛନ୍ତି ଝିଅର ବାପା । ଅଭିଯୋଗ ପରେ ଘଟଣାର ତଦନ୍ତ କରୁଛି ପୋଲିସ ।