ପାଟନା: ବିହାରର ଦୁଇଟି ଜିଲ୍ଲାରେ ମିଳିଲା ସୁନାର ସନ୍ଧାନ । ଜାମୁଇ ଜିଲ୍ଲାରେ ଦେଶର ୪୪ ପ୍ରତିଶତ ସୁନା ଥିବା ଖବର ପୂର୍ବରୁ ଆସିଥିଲା । ଏବେ ଏହାର ପଡୋଶୀ ଜିଲ୍ଲା କଟାରିଆରେ ସୁନା ମିଳିଥିବା ଜଣାପଡ଼ିଛି । ଏହି ଦୁଇ ଜିଲ୍ଲାର ମାଟିତଳେ ସୁନା ଥିବା ଖବର ପରେ ଯାଞ୍ଚ ପାଇଁ ଜିଓଲୋଜିକାଲ ସର୍ଭେ ଅଫ ଇଣ୍ଡିଆର ଟିମ୍ କାମ ଆରମ୍ଭ କରିବାକୁ ପହଞ୍ଚିଛନ୍ତି ।
ଏଭଳି ପରିସ୍ଥିତିରେ ଜାମୁଇ ଜିଲ୍ଲାର ସୋନୋ ଅଞ୍ଚଳରେ ସୁନା ଖଣି ଖନନ ପାଇଁ ଆଶା ବୃଦ୍ଧି ପାଇଛି। କିଛି ମାସ ତଳେ କେନ୍ଦ୍ର ସରକାରଙ୍କ ଖଣିଜ ମନ୍ତ୍ରୀ ଜାମୁଇ ଜିଲ୍ଲାର ସୋନୋ ବ୍ଲକର କରାମାଟିଆ ଜମିରେ ଦେଶର ପ୍ରାୟ ୪୪ ପ୍ରତିଶତ ସୁନା ଥିବା ସଂସଦରେ ସୂଚନା ଦେଇଥିଲେ। ସୋନୋ ବ୍ଲକ୍ ଅଞ୍ଚଳର ଲୋକମାନେ ଅପେକ୍ଷା କରିଛନ୍ତି ଯେ, କେବେ ଅତ୍ୟାଧୁନିକ ଜ୍ଞାନକୌଶଳ ସାହାଯ୍ୟରେ କରାମାଟିଆର ଗର୍ଭରୁ ସୁନା ବାହାର କରାଯିବ, ଯାହା କେବଳ ଜାମୁଇ ନୁହେଁ ସମଗ୍ର ଦେଶ ତଥା ରାଜ୍ୟ ପାଇଁ ଲାଭଦାୟକ ହେବ।
ଭାରତର ଜିଓଲୋଜିକାଲ୍ ସର୍ଭେ କହିଛି ଯେ, ଜାମୁଇ ଜିଲ୍ଲାରେ ପ୍ରାୟ ୨୨୨.୮୮ ନିୟୁତ ଟନ୍ ସୁନା ଅଛି ।
