ସବୁ ପିଜୁଳି ଖାଇଦେଲ ବୋଲି ନାତୁଣୀ କହିବାରୁ ଏସିଡ୍ ପିଇଦେଲେ ଜେଜେମାଆ

ଇନ୍ଦୋର: ରାଗ, ଋଷା ସମସ୍ତଙ୍କ ମନରେ ଥାଏ । ହେଲେ ୫ ବର୍ଷର କୌଣସି କଅଁଳ ଛୁଆ କେବେ ରାଗରେ କିଛି କହିନଥାଏ । କାରଣ ବାଳୁତ ପାଟିରେ ବାଟୁଳି ବାଜି ନଥାଏ । ମନକୁ ଯାହା ଆସେ କହିଦିଏ ୫ ବର୍ଷର ଛୁଆ । ହେଲେ ୫ ବର୍ଷର ଛୁଆର କଥାରେ ୭୫ ବର୍ଷୀୟ ବୟସ୍କ କେବେ ଏସିଡ୍ ପିଇ ଦେବ । ଏ କଥା ହୁଏତ କେହି ଭାବି ନଥିବେ । ଏମିତି ଆଶ୍ଚର୍ଯ୍ୟଜନକ ଘଟଣା ଘଟିଛି ମଧ୍ୟପ୍ରଦେଶର ଇନ୍ଦୋରରେ । ଯେଉଁଠି ୭୫ ବର୍ଷର ମହିଳା ଏସିଡ୍ ପିଇ ଦେଇଛନ୍ତି । ଅବସ୍ଥା ଗୁରୁତର ହେବାରୁ ମହିଳାଙ୍କୁ ମେଡିକାଲରେ ଭର୍ତ୍ତି କରାଯାଇଥିଲା । ଚିକିତ୍ସାଧୀନ ଅବସ୍ଥାରେ ବୃଦ୍ଧାଙ୍କ ମୃତ୍ୟୁ ହୋଇଛି । କୁହାଯାଉଛି ୫ ବର୍ଷର କଅଁଳ ନାତୁଣୀର କଥାରେ ଅରାଜି ଥିବା ଜେଜେମାଆ ରାଗରେ ଏସିଡ୍ ପିଇ ଦେଇଥିଲେ ।

ସୂଚନା ଅନୁସାରେ ବୃଦ୍ଧା ଜଣଙ୍କ ୫ ବର୍ଷର ନାତୁଣୀ କଥାରେ ରାଗି ଯାଇଥିଲେ । ନାତୁଣୀ କହିଥିଲା, ଜେଜମାଆ ତୁମେ ଗଛରୁ ସବୁ ପିଜୁଳି ଖାଇ ଦେଇଛି । ଏହି କଥା ବୃଦ୍ଧା ଜଣଙ୍କୁ ବହୁତ ବାଧି ଥିଲା । ଆଉ ରାଗରେ ଏସିଡ୍ ପିଇ ଦେଇଥିଲେ ବୃଦ୍ଧା ଜଣଙ୍କ । ବେଟମା ପୋଲିସ ମାମଲାର ତଦନ୍ତ କରୁଛି ।

ମୃତ ମହିଳାଙ୍କ ପୁଅ କୈଳାଶ କୁଶବାହ କହିଛନ୍ତି- ମୋ ୫ ବର୍ଷର ଝିଅ ମୋ ମାଆକୁ ସବୁ ପିଜୁଳି ଖାଇ ଦେଇଥିବା କହିଥିଲା । କେବେଳ ଏତିକି କଥାରେ ଅରାଜି ହୋଇ ପଡ଼ିଥିଲେ ମାଆ । ଏସିଡ୍ ପିଇଦେବା ସହ କହିଥିଲେ ମୁଁ ସବୁ ପିଜୁଳି ଏକୁଟିଆ ଖାଇନାହିଁ । ଛୋଟ ଛୁଆ ମଧ୍ୟ ମୋତେ ଉପହାସ କରୁଛନ୍ତି ।

ପୋଲିସ ଏହି ମାମଲାର ଯାଞ୍ଚ କରୁଛି । ବେଟମା ପୋଲିସ୍ ଇନୁସାରେ ମୃତ ମହିଳା ଜଣଙ୍କ ୭୫ ବର୍ଷୀୟା ମୀରା ବାଇ । ଯିଏ କି ବେଟମାର ମନ୍ତ୍ରୀ ନଗରରେ ରୁହନ୍ତି । ୫ ବର୍ଷର ଛୁଆ ଜେଜେମାଆଙ୍କୁ ପିଜୁଳି ଖାଇଥିବା କହିଥିଲା । ଏଥିରେ ଅରାଜି ଥିବା ବୃଦ୍ଧା ଏସିଡ୍ ପିଇ ଦେଇଥିଲେ । ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ହୋଇଛି ।