ନିକ୍କି ହତ୍ୟା ଘଟଣା : ଏମିତି ଭୁଲ୍ କରି ଫସିଲା ହତ୍ୟାକାରୀ ସ୍ୱାମୀ, ସାରା ଜୀବନ ହେବ ଜେଲ୍ ସଜ୍ଜା

ନନ୍ଦିଘୋଷ ବ୍ୟୁରୋ : ନୋଏଡ଼ା ନିକ୍କି ହତ୍ୟା ଘଟଣାରେ ଆସିଲା ନୂଆ ମୋଡ଼ । ପୋଲିସ ନିକ୍କିକୁ ନିଆଁ ଲଗାଇ ହତ୍ୟା କରିଥିବା ଆରୋପୀ ସ୍ୱାମୀ ବିପିନକୁ ଏନକାଉଣ୍ଟରରେ ଗୁଳି ମାରିଛି । ଯେଉଁଥିରେ ଗୁଳି ବିପିନର ଗୋଡ଼ରେ ବାଜିଛି । ପୋଲିସର ସୂଚନା ଅନୁସାରେ ଯେତେବେଳେ ଘଟଣାରେ ଜଳାଇବା ପାଇଁ ବ୍ୟବହାର ହୋଇଥିବା ସାମଗ୍ରୀ ଉଦ୍ଧାର କରିବାକୁ ତାଙ୍କୁ ନିଆଯାଉଥିଲା , ସେତେବଳେ ସେ ଜଣେ ପୋଲିସ ଇନ୍ସପେକଟରଙ୍କ ପିସ୍ତଲ ଛଡ଼ାଇ ଦୌଡ଼ିବାକୁ ଲାଗିଥିଲା । ପୋଲିସ ପିଛା କରିବାରୁ ପୋଲିସ ଉପରକୁ ଗୁଳି ଚଳାଇଥିଲା । ସେତେବଳେ ପୋଲିସ ଆତ୍ମରକ୍ଷା ପାଇଁ ପାଲଟାଗୁଳି ଚଲାଇ ବିପିନକୁ କାବୁ କରିଥିଲା ।

ତେବେ ମାମଲା କେବଳ ପତ୍ନୀଙ୍କୁ ପୋଡି ମାରିବା ଯାଏଁ ନଥିଲା । ଏବେ ପୋଲିସ ଉପରେ ହତ୍ୟାକାରୀ ଆକ୍ରମଣ କରି ଖସିଯିବାକୁ ଚେଷ୍ଟା କରିବା ଦିଗରେ ମଧ୍ୟ ଏଥିରେ ଯୋଡ଼ା ଯିବ । ଯଦି ପତ୍ନୀଙ୍କୁ ପୋଡି ମାରିବା ଘଟଣାଟି ପ୍ରମାଣିତ ହୋଇ ନଥାନ୍ତା, ତେବେ ହୁଏତ ବିପିନ୍ ରକ୍ଷା ପାଇଯାଇଥାନ୍ତେ, କିନ୍ତୁ ଏବେ ପୋଲି ଉପରେ ଗୁଳି ଚଲାଇବା ଦଣ୍ଡ ଭୋଗିବାକୁ ପଡିବ । ଆଇନ ବିଶେଷଜ୍ୟଙ୍କ ମତରେ ସେ ଏବେ କରିଥିବା ଭୁଲ ଯୋଗୁଁ ତାଙ୍କୁ ସାରା ଜୀବନ ଜେଲରେ ବିତାଇବାକୁ ପଡିବ ।