ରାସ୍ତା ପାଇଁ ୨ ପରିବାର ମଧ୍ୟରେ ଗଣ୍ଡଗୋଳ, ୮ଜଣ ଆହତ

ସୁବର୍ଣ୍ଣପୁର: ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ଥାନା ଅନ୍ତର୍ଗତ ଉଦେପଦର ଗାଁରେ ଘର ରାସ୍ତାକୁ କେନ୍ଦ୍ର କରି ହାତାହାତି । କରୁଣାକର ମେହେର ଏବଂ ଗଂସ ମେହେରଙ୍କ ପରିବାର ମଧ୍ୟରେ ଦୀର୍ଘ ଦିନ ହେବ ଘରର ରାସ୍ତାକୁ କେନ୍ଦ୍ର କରି ବିବାଦ ଲାଗି ରହିଥିଲା । ତେବେ ଆଜି ସକାଳ ସମୟରେ ଘରର ରାସ୍ତାକୁ ନେଇ ଉଭୟ ପରିବାର ମଧ୍ୟରେ ଗଣ୍ଡଗୋଳ ହୋଇଥିଲା । ଫଳରେ ଉଭୟ ପରିବାର ୮ଜଣ ଆହତ ହୋଇଛନ୍ତି ।

ଆହତ ମାନେ ଉଲୁଣ୍ଡା ଗୋଷ୍ଠୀ ସ୍ଵାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଛି । ଆହତ ମାନେ ହେଲେ କରୁଣାକର ମେହେର, ଲକ୍ଷ୍ମୀଧର ମେହେର, ରାମା ମେହେର, ସବିତା ମେହେର, ସତ୍ୟ ମେହେର, ଗନଶ ମେହେର, ରମେଶ ମେହେର ଓ ମଧୁ ମେହେର ।