ମୋଦିଙ୍କୁ ଖଡଗେଙ୍କ ପ୍ରଶ୍ନ: କ’ଣ ରାବଣ ଭଳି ଆପଣଙ୍କର ଶହେ ମୁହଁ ?

ଅହମ୍ମଦାବାଦ: ଗୁଜୁରାଟ ନିର୍ବାଚନ ପାଇଁ ପ୍ରଚାର ଜୋରଦାର ଚାଲିଛି । ହେବିୱେଟ୍ ନେତାମାନେ ନିଜ ନିଜ ଦଳର ପ୍ରାର୍ଥୀଙ୍କ ପାଇଁ ପ୍ରଚାର କରୁଛନ୍ତି । ନେତାମାନେ ଆରୋପ ପ୍ରତ୍ୟାରୋପ ମଧ୍ୟ ଜାରି ରଖିଛନ୍ତି । ଏହାରି ମଧ୍ୟରେ କଂଗ୍ରେସ ସଭାପତି ମଲ୍ଲିକାର୍ଜୁନ ଖଡଗେ ପୁଣି ଗୋଟେଥର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଉପରେ ବୟାନ ଦେଇଛନ୍ତି । ଅହମ୍ମଦାବାଦରେ ଜନସଭା ସମୟରେ ଖଡଗେ କହିଛନ୍ତି କଣ ରାବଣ ଭଳି ମୋଦିଙ୍କର ୧୦୦ ମୁହଁ ଅଛି? ମୋତେ ବୁଝା ପଡ଼ୁନାହିଁ ।

ରବିବାର ସୁରଟରେ ଜନସଭା ସମୟରେ ଖଡଗେ ନିଜକୁ ଅଛୁଆଁ ଏବଂ ପ୍ରଧାନମନ୍ତ୍ରୀ ମୋଦୀଙ୍କୁ ମିଛର ସରଦାର ବୋଲି କହିଥିଲେ । ବେହରାମ ପୁରାରେ ଜନସଭା ସମୟରେ ଖଡଗେ କହିଛନ୍ତି, ପ୍ରଧାନମନ୍ତ୍ରୀ କୁହନ୍ତି ଯେ ଅନ୍ୟ କେଉଁଠିକୁ ଦେଖନି । ମୋଦିକୁ ଦେଖି ଭୋଟ ଦିଅ । କେତେଥର ଥର ତମ ମୁହଁ ଦେଖିବୁ? ଆମେ କର୍ପୋରେସନ ନିର୍ବାଚନରେ ତୁମର ମୁଁହ ଦେଖିଥିଲୁ । ଏମଲଏ ନିର୍ବାଚନରେ, ଏମପି ନିର୍ବାଚନରେ ମୁଁହ ଦେଖିଥିଲୁ । ସବୁ ସ୍ଥାନରେ କଣ ରାବଣ ଭଳି ଆପଣଙ୍କର ବି ୧୦୦ ମୁଁହ ଅଛି । ମୋତେ ବୁଝା ପଡ଼ୁନାହିଁ ।

ଖଡଗେଙ୍କ ଏହି ବୟାନକୁ ନେଇ ବିଜେପି କଂଗ୍ରେସକୁ ସମାଲୋଚନା କରିଛି । ବିଜେପି ଆଇଟି ସେଲ ମୁଖ୍ୟ ଅମିତ ମାଲବୀୟ ମଙ୍ଗଳବାର କହିଛନ୍ତି ଖଡଗେ ଗୁଜୁରାଟ ବିଧାନସଭା ନିର୍ବାଚନର ଚାପ ସହି ପାରୁନାହାନ୍ତି । ବିଜେପି ପ୍ରବକ୍ତା ଶାହଜାଦ ପୁନାୱାଲା କହିଛନ୍ତି ଯେ କଂଗ୍ରେସ ସେଇଆ କରିଛି ଯେଉଁଥିରେ ସେ ପାରଙ୍ଗମ ଅଟେ । କଂଗ୍ରେସ ପ୍ରଧାନମନ୍ତ୍ରୀ ପଦର ଅସମ୍ମାନ କରିବା ଆରମ୍ଭ କରିଦେଇଛି । ଖଡଗେଙ୍କ ବୟାନ ସଂଯୋଗ ନୁହେଁ, ଏହା ଭୋଟ ବ୍ୟାଙ୍କ ପାଇଁ ଅଟେ । ସେ ସ୍ୱୀକାର କରିପାରୁନାହାନ୍ତି କି ଜଣେ ଚା’ବାଲା ପ୍ରଧାନମନ୍ତ୍ରୀ ହୋଇଛନ୍ତି ବୋଲି ।