ସମ୍ବଲପୁର: ମୁଣ୍ଡଳୀ ପହଞ୍ଚିଲା ବନ୍ୟାଜଳ । ହୀରାକୁଦରୁ ନିଷ୍କାସିତ ହେଉଥିବା ବନ୍ୟାଜଳ ମୁଣ୍ଡଳୀ ବ୍ୟାରେଜ୍ ଦେଇ ପ୍ରବାହିତ ହେଉଛି। ତେବେ ତଳମୁଣ୍ଡ ପ୍ରତି କୌଣସି ବିପଦ ନଥିବା ସୂଚନା ଦେଇଛନ୍ତି କଟକ ଜିଲ୍ଲାପାଳ । ସେପଟେ ଡ୍ୟାମର ୧୫ଟି ଗେଟ୍ ଦେଇ ଚାଲିଛି ବନ୍ୟାଜଳ ନିଷ୍କାସନ । ଗତ କାଲି ହୀରାକୁଦ ଡ୍ୟାମର ୩ଟି ଗେଟ୍ ଖୋଲାଯାଇଥିଲା ।
ପୁଣି ଖୋଲିଲା ୩ଟି ଗେଟ୍… ହୀରାକୁଦ ଡ୍ୟାମର ମୋଟ୍ ୧୫ ଟି ଗେଟ୍ ଦେଇ ବନ୍ୟାଜଳ ନିଷ୍କାସନ
ଗତ ୨୫ ତାରିଖରେ ହୀରାକୁଦ ଜଳଭଣ୍ଡାରରୁ ବର୍ଷର ପ୍ରଥମ ବନ୍ୟାଜଳ ଛଡ଼ାଯାଇଥିଲା। ଜଳଭଣ୍ଡାରକୁ ପ୍ରତି ସେକେଣ୍ଡରେ ୭୮ ହଜାର ୧୬୩ କ୍ୟୁସେକ୍ ଜଳ ପ୍ରବେଶ କରୁଥିବା ବେଳେ ୨ ଲକ୍ଷ ୪୨ ହଜାର ୬୬୭ ଘନଫୁଟ ଜଳ ନିଷ୍କାସନ କରାଯାଉଛି । ଉପର ମୁଣ୍ଡରୁ ଜଳପ୍ରବାହ ବୃଦ୍ଧିପାଇଲେ ଆହୁରି ଅଧିକ ଗେଟ୍ ଖୋଲାଯିବ ବୋଲି ଡ୍ୟାମ କର୍ତ୍ତୃପକ୍ଷ ସୂଚନା ଦେଇଛନ୍ତି । ବର୍ତ୍ତମାନ ଜଳଭଣ୍ଡାର ଜଳସ୍ତର ୬୧୨.୫୬ ଫୁଟ ରହିଛି ।
