ଗୋଆରେ ଆରମ୍ଭ ହେଲା ସ୍ୱଚ୍ଛ ରାଜନୀତି: ଅରବିନ୍ଦ କେଜିରୱାଲ

ନୂଆଦିଲ୍ଲୀ:ଗୋଆ ବିଧାନସଭା ନିର୍ବଚନରେ ଆମ ଆଦମୀ ପାର୍ଟି  ତାର ଉପସ୍ଥିତି ଜାହିର କରିଛି । ଆମ ଆଦମୀ ପାର୍ଟିର ମୁଖ୍ୟ ଅରବିନ୍ଦ କେଜିରୱାଲ ଏନେଇ ଟ୍ୱିଟ କରି କହିଛନ୍ତି ଯେ, ତାଙ୍କ ପାର୍ଟି ଗୋଆରେ ଦୁଇଟି ଆସରୁ ବିଜୟ ହାସଲ କରିଛି । ସେ କହିଛନ୍ତି ଯେ, ଏହାସହ ଗୋଆରେ ସ୍ୱଚ୍ଛ ରାଜନୀତିର ଆରମ୍ଭ ହୋଇଛି । ଗୋଆରେ ବର୍ତ୍ତମାନ ସୁଧା ବିଜେପି ୧୮ ଆସନ, କଂଗ୍ରେସ ୧୨ ଆସନ, ଟିଏମସି ୪ଟି ଆସନରେ ଆଗୁଆ ଥିବା ବେଳେ ଆପ ୨ଟି ଆସନରେ ଆଗୁଆ ରହିଛି ।

https://twitter.com/ArvindKejriwal/status/1501828736974422018?s=20&t=npsldqlbiq0HoajCqcwzdw

କେଜିରୱାଲ ନିଜ ଟ୍ୱିଟରେ କହିଛନ୍ତି, ଗୋଆରେ ଆପ୍ ଦୁଇଟି ଆସନ ହାତେଇବାରେ ସଫଳ ହୋଇଛି, କ୍ୟାପ୍ଟେନ ଭେନ୍ଜି ଏବଂ କ୍ରୁଜଙ୍କୁ ଶୁଭେଚ୍ଛା । ଗୋଆରେ ସ୍ୱଚ୍ଛ ରାଜନୀତିର ଆରମ୍ଭ ହୋଇଯାଇଛି ।

ସୂଚନା ଅନୁସାରେ ଗୋଆର ୪୦ ବିଧାନସଭା ରହିଥିବା ବେଳେ ମ୍ୟାଜିକ ନମ୍ବର ୨୧ ରହିଛି । ବିଜେପି ବହୁମତଠାରୁ ମାତ୍ର ୩ ଆସନ ଦୂରରେ ରହିଛି । ଯଦିଓ ପାର୍ଟି କହିଛି ସେମାନଙ୍କ ପାଖରେ ସ୍ୱାଧିନ ୩ଟି ଆସନ ରହିଛି । ଯେଉଁଥିପାଇଁ ସେମାନେ ସରକାର ଗଢିବାରେ ସଫଳ ହୋଇପାରିବେ । ମୁଖ୍ୟମନ୍ତ୍ରୀ ପ୍ରମୋଦ ସାୱନ୍ତ ଦାବି କରିଛନ୍ତି ଯେ, ତାଙ୍କ ପାଖରେ ୩ଟି ସ୍ୱାଧିନ ବିଧାୟକ ରହିଛନ୍ତି ।