କଳିଙ୍ଗ ଷ୍ଟାଡିୟମରେ ନେପାଳ-ବାଂଲାଦେଶ ମ୍ୟାଚ ବେଳେ ଠେଲାପେଲା

ଭୁବନେଶ୍ୱର: ନେପାଳ ଓ ବାଂଲାଦେଶ ମ୍ୟାଚ ସମୟରେ ଠେଲାପେଲା ଓ ଧକା ମରାମରି । ସାଫ ଅଣ୍ଡର ୨୦ ପ୍ରତିଯୋଗିତା ସମୟରେ ଏହି ଉତ୍ତେଜନା ସ୍ଥିତି ଦେଖିବାକୁ ମିଳିଛି । ଭୁବନେଶ୍ୱର କଳିଙ୍ଗ ଷ୍ଟାଡିୟମରେ ଖେଳାଯାଉଥିବା ପ୍ରତିଯୋଗିତାରେ ପ୍ରଥମ ମ୍ୟାଚରେ ଗଣ୍ଡଗୋଳ ହୋଇଛି । ମ୍ୟାଚ ବେଳେ ଉତ୍ତେଜନା ପରିସ୍ଥିତି ସୃଷ୍ଟି ହୋଇଥିଲା । ଉଭୟ ପକ୍ଷର ଖେଳାଳି ମାନେ ଉଭୟ ଉଭୟଙ୍କ ଉପରେ ଆକ୍ରମଣ କରିଥିଲେ ।

ଖେଳାଳିମାନେ ବିଧା, ମୁଥ ମାରୁଥିବାର ମଧ୍ୟ ଦେଖାଯାଇଛି । ମ୍ୟାଚ ସମୟରେ ଯୁକ୍ତତର୍କରୁ ଏହି ଗଣ୍ଡଗୋଳ ପରିସ୍ଥିତି ସୃଷ୍ଟି ହୋଇଥିବା କହିଛନ୍ତି ପ୍ରତ୍ୟକ୍ଷଦର୍ଶୀ । ଉଭୟ ଦଳର ଖେଳାଳି ଏହି ଗଣ୍ଡଗୋଳରେ ଆହତ ହୋଇଛନ୍ତି ।  ଫଳରେ କିଛି ସମୟ ପାଇଁ ମ୍ୟାଚ ସ୍ଥଗିତ ରହିଥିଲା । ଶେଷରେ ଉତ୍ତେଜନା କମିବା ପରେ ମ୍ୟାଚ ରେଫରି ଉଭୟ ପକ୍ଷର ଜଣେ ଲେଖା ଖେଳାଳିଙ୍କୁ ରେଡ଼ କାର୍ଡ ଦେଖାଇଥିଲେ ।