ହାଇଦ୍ରାବାଦ: କୁକୁର ଭୟରେ ତିନି ମହଲାରୁ ଡେଇଁ ପଡ଼ିଲେ ଡେଲିଭରୀ ବୟ। ହାଇଦ୍ରାବାଦର ପଞ୍ଚବଟୀ କଲୋନୀରେ ଘଟିଛି ଅଭାବନୀୟ ଘଟଣା। ଡେଲିଭରୀ ବୟ ଜଣଙ୍କ ମାଟ୍ରେସ୍ ଡେଲିଭରି କରିବାକୁ ଏକ ଆପାର୍ଟମେଣ୍ଟକୁ ଯାଇଥିଲେ।
ଗ୍ରାହକଙ୍କ ଘରେ କୁକୁର ଆକ୍ରମଣରେ ତିନି ମହଲା ତଳକୁ ଖସିପଡ଼ି ଡେଲିଭରୀ ବୟଜଣଙ୍କ ଗୁରୁତର ହୋଇଛନ୍ତି। ହସ୍ପିଟାଲରେ ସଙ୍କଟାପନ୍ନ ଅବସ୍ଥାରେ ତାଙ୍କର ଚିକିତ୍ସା ଚାଲିଛି । କୁକୁରଟି ଘରେ ଖୋଲାରେ ବୁଲୁଥିବା ବେଳେ ଡେଲିଭରି ବୟଙ୍କୁ ଅତର୍କିତ ଭାବେ ଆକ୍ରମଣ କରିଥିଲା । ଏଥିରେ ଭୟଭୀତ ହୋଇ ଡେଲିଭରୀ ବୟଜଣକ ଜୀବନ ବଞ୍ଚାଇବାକୁ ତିନି ମହଲାର ଝରକାରୁ ଡେଇଁ ପଡ଼ିଥିଲେ। ତାଙ୍କୁ ଉଦ୍ଧାର କରାଯାଇ ହସ୍ପିଟାଲରେ ଭର୍ତ୍ତି କରାଯାଇଛି । ଏନେଇ ଏକ ମାମଲା ରୁଜୁ ହୋଇଥିବା ବେଳେ ପୋଲିସ ଘଟଣାର ଛାନଭିନ ଆରମ୍ଭ କରିଛି।
