ଗାର୍ଲଫ୍ରେଣ୍ଡ ପାଇଁ ହାଇଡ୍ରାମା, ହୋଟେଲରେ ଗାର୍ଲଫ୍ରେଣ୍ଡ ଥିବା ଖବର ପାଇ ପହଞ୍ଚିଗଲେ ପୁରୁଣା ପ୍ରେମିକ

ଭୁବନେଶ୍ବର: ଗାର୍ଲଫ୍ରେଣ୍ଡ ପାଇଁ ପବ୍ ନିକଟରେ ହାଇଡ୍ରାମା। ରାତିଅଧରେ ହୋଟେଲ ଭିତରେ ପଶି ବ୍ୟାପକ ଭଙ୍ଗାରୁଜା। ଭୁବନେଶ୍ବର ଚନ୍ଦ୍ରଶେଖରପୁର ଅଞ୍ଚଳରେ ଗତକାଲି ମଧ୍ୟରାତିରେ ଏଭଳି ଅଘଟଣ ଘଟିଛି ।

ନନ୍ଦିଘୋଷ ଟିଭି ହାତରେ ଲାଗିଛି ଘଟଣା ବେଳର ଏକ୍ସକ୍ଲୁସିଭ୍ ସିସିଟିଭି ଫୁଟେଜ୍। ଜଣେ ଯୁବତୀ ପ୍ରେମିକଙ୍କ ସହ ନିଶାସକ୍ତ ଅବସ୍ଥାରେ ହୋଟେଲରେ ଥିଲେ। ଖବର ପାଇ ପୁରୁଣା ପ୍ରେମିକ ୧୦ ରୁ ଉର୍ଦ୍ଧ୍ବ ଯୁବକଙ୍କୁ ଧରି ସେଠାରେ ପହଞ୍ଚିଥିଲେ।

ଯୁବତୀଙ୍କୁ ହୋଟେଲ ବାହାରକୁ ଡାକି ଟଣାଓଟରା କରିଥିଲେ । ହୋଟେଲ କର୍ତ୍ତୃପକ୍ଷ ଏହାକୁ ବିରୋଧ କରିବାରୁ ପାର୍କିଂରେ ଥିବା ଗାଡି ଭାଙ୍ଗିଥିଲେ । ଏପରିକି ହୋଟେଲ ଷ୍ଟାଫଙ୍କୁ ମରଣାନ୍ତକ ଆକ୍ରମଣ କରିଥିବା ନେଇ ଥାନାରେ ଅଭିଯୋଗ ହୋଇଛି। ସିସିଟିଭି ଫୁଟେଜ୍ ଆଧାରରେ ତଦନ୍ତ କରୁଛି ଚନ୍ଦ୍ରଶେଖରପୁର ଥାନା ପୋଲିସ।