ଅପରେସନ ସିନ୍ଦୂର ନେଇ ବାୟୁସେନା ମୁଖ୍ୟଙ୍କ ଖୁଲାସା : ଇତିହାସ ରଚିଥିଲା ଭାରତୀୟ ବାୟୁସେନା

ନନ୍ଦିଘୋଷ ବ୍ୟୁରୋ : ଅପରେସନ ସିନ୍ଦୂର ନେଇ ବାୟୁସେନା ମୁଖ୍ୟ ଏୟାର ଚିଫ୍ ମାର୍ଶାଲ ଅମରପ୍ରୀତ ସିିଂହ ବଡ଼ ଖୁଲାସା କରିଛନ୍ତି। ସେ କହିଛନ୍ତି, ଏହି ଅପରେସନ ବେଳେ ଇତିହାସ ରଚିଥିଲା ଭାରତୀୟ ବାୟୁସେନା । ପାକିସ୍ତାନର ୩୦୦ କିଲୋମିଟର ଭିତରକୁ ଯାଇ ଭାରତୀୟ ବାୟୁସେନା ଧ୍ଵଂସ କରିଥିଲା ଆତଙ୍କବାଦୀଙ୍କ ଆଡ୍ଡା। ଏପରିକି ଜବାବ ଦେବାକୁ ଭାରତୀୟ ସୀମା ପାଖକୁ ଆସିପାରିନଥିଲା ପାକିସ୍ତାନ। ଅତି କମ୍ ସମୟ ମଧ୍ୟରେ ଭାରତ ନିଜର ଲକ୍ଷ୍ୟ ପୂରଣ କରଥିଲା। ଅର୍ଥାତ ଆତଙ୍କବାଦୀଙ୍କ ଆଡ୍ଡାକୁ ଧ୍ଵଂସ କରିଥିଲା। ଏମିତି ଆକ୍ରମଣ ହୋଇଥିଲା ଯେ, ତୁରନ୍ତ ଅସ୍ତ୍ରବିରତି ପାଇଁ ଅନୁରୋଧ କରିଥିଲା ଇସଲାମାବାଦ। ମିଲିଟାରି ଆକ୍ସନ ନେବା ପାଇଁ ସେନାକୁ ମିଳିଥିଲା ପୂର୍ଣ୍ଣ କ୍ଷମତା। ଏହି ଯୁଦ୍ଧ ଏଥିପାଇଁ ଗୁରୁତ୍ଵପୂର୍ଣ୍ଣ ଯେ, ସ୍ପଷ୍ଟ ଲକ୍ଷ୍ୟ ନେଇ ଏହା ଆରମ୍ଭ ହୋଇଥିଲା ଏବଂ ଖୁବ ଅଳ୍ପ ସମୟରେ ତାହା ପୂରଣ ହୋଇଥିଲା। ତେଣୁ ପାକିସ୍ତାନ ଅସ୍ତ୍ରବିରତି ପାଇଁ ଅନୁରୋଧ କରିବା ପରେ ଆମେ ଅସ୍ତ୍ରବିରତି ପାଇଁ ରାଜି ହୋଇଥିଲୁ ବୋଲି କହିଛନ୍ତି ବାୟୁସେନା ମୁଖ୍ୟ ।