କଟକ: କଟକରେ ଆଜି ବାସନ୍ତିକ ଦୁର୍ଗା ପୂଜାର ଭସାଣ ଉତ୍ସବ ଅନୁଷ୍ଠିତ ହେଉଛି। ଦେବୀଗଡ଼ାରେ ସହରର ବିଭିନ୍ନ ମଣ୍ଡପରେ ପୂଜା ପାଉଥିବା ମୃଣ୍ମୟୀ ମୂର୍ତ୍ତିଗୁଡ଼ିକ ଆଜି ବିସର୍ଜିତ ହେବେ। ତେବେ ଦେବୀ ଗଡ଼ାରେ ଏହି ଭସାଣ ପାଇଁ ଗୋଟିଏ ମାତ୍ର ଅସ୍ଥାୟୀ ପୁଷ୍କରିଣୀ କରାଯାଇଛି । ସେଥିରେ ପାଣି ପର୍ଯ୍ୟାପ୍ତ ନ ଥିବା ବେଳେ ନିକଟରେ ଥିବା ଗନ୍ଧଯୁକ୍ତ ଦୂଷିତ ପାଣିକୁ ମୋଟର ସାହାଯ୍ୟରେ ଭର୍ତ୍ତି କରାଯାଉଛି। ପୂର୍ବରୁ ଦୂରରେ ଥିବା ନଦୀ ସ୍ରୋତରୁ ପାଇପ ଯୋଗେ ପାଣି ଅସ୍ଥାୟୀ ପୁଷ୍କରିଣୀରେ ଭର୍ତ୍ତି କରିବାକୁ ପ୍ରଶାସନ ପକ୍ଷରୁ ପ୍ରତିଶୃତି ଦିଆଯାଇଥିଲା।
