ହିମାଚଳ ପ୍ରଦେଶରେ ଥମୁନି ବର୍ଷା ତାଣ୍ଡବ ; ଫସିଛନ୍ତି ଅନେକ ପର୍ଯ୍ୟଟକ

ନନ୍ଦିଘୋଷ ବ୍ୟୁରୋ : ହିମାଚଳ ପ୍ରଦେଶରେ ଥମୁନି ବର୍ଷା ତାଣ୍ଡବ। ପ୍ରବଳ ବର୍ଷା ଓ ବନ୍ୟା ଯୋଗୁ ଫସିଛନ୍ତି ଅନେକ ପର୍ଯ୍ୟଟକ। ରାଜ୍ୟରେ ଏସଡିଆରଏଫ ଓ ଏନଡିଆରଏଫ ପକ୍ଷରୁ ଉଦ୍ଧାର କାର୍ଯ୍ୟ ଜାରି ରହିଛି। ଚମ୍ବାଠାରେ ମଣିମହେଶ ଯାତ୍ରାରେ ଯାଇଥିବା ଯାତ୍ରୀଙ୍କ ମଧ୍ୟରୁ ୫୦ଜଣଙ୍କୁ ଉଦ୍ଧାର କରିଛି ଭାରତୀୟ ବାୟୁସେନାର ଚିନୁକ ହେଲିକପ୍ଟର। ରାଜ୍ୟରେ ଗତ ଏକ ମାସ ଧରି ବାଦଲଫଟା ବର୍ଷା, ଭୂସ୍ଖଳନ ଓ ବନ୍ୟା ଯୋଗୁ ସ୍ଥିତି ଅତି ସଂଗୀନ ହୋଇଛି। ଶହ ଶହ କୋଟି ଟଙ୍କାର ସମ୍ପତ୍ତି ନଷ୍ଟ ହୋଇଛି। ମଣିମହେଶ ଯାତ୍ରାରେ ଆଉ କିଛି ପର୍ଯ୍ୟଟକ ଫସିଥିବା ସୂଚନା ମିଳିଛି। ସେହିଭଳି ଗୌରୀକୁଣ୍ଡ, ହର୍ସିଲ, ଭାରମୋରରେ ବି ପର୍ଯ୍ୟଟକ ଫସିଛନ୍ତି। ଗତ ୨ ଦିନ ଭିତରେ ରାଖ ଓ ବାଗାରୁ ୧୪ଶହରୁ ଅଧିକ ଯାତ୍ରୀଙ୍କୁ ଉଦ୍ଧାର କରାଗଲାଣି।.