ଆଣ୍ଡାମାନ ନିକୋବରରେ ସୁସ୍ଥ ହେଲେ ସମସ୍ତ କରୋନା ପଜିଟିଭ
ପୋର୍ଟ ବ୍ଲେୟାର: କରୋନା ଭାଇରସ ସାରା ବିଶ୍ୱରେ କାୟା ବିସ୍ତାର କରିଥିବା ବେଳେ ଆଣ୍ଡା ମାନ ନିକୋବର ଦ୍ୱୀପ ମଧ୍ୟ ଏଥିରୁ ବାଦ୍ ପଡି ନ ଥିଲା। ଏଠାରେ ପ୍ରଥମେ ୧୧ ଜଣ କରୋନା ପଜିଟିଭ ଚିହ୍ନଟ ହୋଇଥିବା ବେଳେ ଏବେ ସମସ୍ତ ୧୧ ଜଣ ସୁସ୍ଥ ହୋଇଥିବା ସୂଚନା ମିଳିଛି। ଗୁରୁବାର ଆଣ୍ଡାମାନ ନିକୋବର ଦ୍ୱୀପର ମୁଖ୍ୟ ସଚିବ ଚେତନ ସାଙ୍ଘି ଏହି ସୂଚନା ଦେଇଛନ୍ତି।
ଏହା ସେଠାକାର ଲୋକଙ୍କ ପାଇଁ ନିଶ୍ଚତ ରୂପେ ଖୁସି ଖବର। ଆମେରିକା ଭଳି ଶକ୍ତିଶାଳୀ ଦେଶ କରୋନା କବଳରେ ପଡି ଛଟପଟ ହେଉଥିବା ବେଳେ ଏଠାରେ ଦିନକୁ ହଜାର ହଜାର ଲୋକଙ୍କ ଜୀବନ ଯିବା ଟ୍ରମ୍ପ ସରକାରଙ୍କ ପାଇଁ ଚିନ୍ତାର କାରଣ ପାଲଟି ଗଲାଣି। ସେହିପରି ଭାରତ ମଧ୍ୟ କରୋନା ଯୁଦ୍ଧରେ ବିଜୟ ଲାଭ କରିବାକୁ ସର୍ବଦା ପ୍ରୟାସ କରି ଚାଲିଛି। ଏ କ୍ଷେତ୍ରରେ ଆଣ୍ଡାମାନ ନିକୋବର ଅନ୍ୟମାନଙ୍କ ପାଇଁ ଉଦାହରଣ ବୋଲି କୁହାଯାଉଛି।
