ବ୍ୟୁରୋ ରିପୋର୍ଟ: ଆଜିଠୁ ଭାରତ-ଇଂଲଣ୍ଡ ଦ୍ବିତୀୟ ଟେଷ୍ଟ। ୬ ତାରିଖ ପର୍ଯ୍ୟନ୍ତ ବିଶାଖାପାଟଣାର ୱାଇଏସ ରାଜଶେଖର କ୍ରିକେଟ ଷ୍ଟାଡିୟମରେ ମ୍ଯାଚ ଖେଳାଯିବ। ୫ ମ୍ୟାଚ ବିଶିଷ୍ଟ ସିରିଜରେ ଇଂଲଣ୍ଡ ପ୍ରଥମ ମ୍ଯାଚ ଜିତି ୧-୦ ରେ ଆଗୁଆ ରହିଛି । ହାଇଦ୍ରାବାଦରେ ପ୍ରଥମ ଟେଷ୍ଟ ଖେଳାଯାଇଥିବାବେଳେ ଏହାକୁ ୨୮ ରନରେ ଇଂଲଣ୍ଡ ଜିତିନେଇଥିଲା। ପ୍ରଥମ ଇଂନିସରେ ୧୯୦ରନ ପଛରେ ଥିଲେ ମଧ୍ଯ ଦ୍ବିତୀଯ ଇଂନିସରେ ଦମଦାର ପ୍ରଦର୍ଶନ କରି ଦଳ ଭାରତକୁ ପରାଜିତ କରିଥିଲା। ଦ୍ବିତୀୟ ଟେଷ୍ଟ ପାଇଁ ଇଂଲଣ୍ଡ ଦଳରେ ଦୁଇଟି ପରିବର୍ତ୍ତନ କରିଛି। ଜେମ୍ସ ଆଣ୍ଡରସନ ଦଳକୁ ଫେରିଥିବାବେଳେ ସୋଏବ ବସିର ଡେବ୍ୟୁ କରିବେ।
ସେପଟେ ଦ୍ବିତୀୟ ଟେଷ୍ଟରେ ବଡ ବ୍ଯବଧାନରେ ବିଜୟୀ ହେବାକୁ ଲକ୍ଷ୍ୟ ରଖିଛି ଟିମ୍ ଇଣ୍ଡିଆ। ଅଲରାଉଣ୍ଡର ରବୀନ୍ଦ୍ର ଜାଡେଜା ଓ କେ.ଏଲ. ରାହୁଲ ଦଳରୁ ବାଦ ପଡିଛନ୍ତି । ତେବେ ଭାରତୀୟ ସ୍ପିନରଙ୍କୁ ଶକ୍ତି ପ୍ରଦର୍ଶନ କରି ଇଂଲଣ୍ଡକୁ ଜବାବ ଦେବାକୁ ଦଳ ରଣନୀତି କରିଛି ।
