ଦେଶରେ ଶହେ କୋଟି ଛୁଇଁବ କୋଭିଡ୍ ଟିକାକରଣ

ନୂଆଦିଲ୍ଲୀ: ଜାନୁଆରୀ ୧୬ରୁ ଦେଶରେ ଆରମ୍ଭ ହୋଇଥିବା କୋଭିଡ୍ ଟିକାକରଣ ନୂଆ ମାଇଲଖୁଣ୍ଟ ଛୁଇଁବ । ଆସନ୍ତାକାଲି ଗୁରୁବାର ସୁଦ୍ଧା ଦେଶରେ ୧୦୦ କୋଟି ଅର୍ଥାତ୍ ବିଲିଅନ ଡୋଜ୍ କୋଭିଡ୍ ଟିକାକରଣ ସମ୍ପନ୍ନ ହେବ । ଏହି ଅବସରରେ ଦେଶର ଶହେଟି ଐତିହ୍ୟ ସ୍ଥଳୀକୁ ତ୍ରିରଙ୍ଗାରେ ଆଲୋକିତ କରିବ ଭାରତୀୟ ପ୍ରତ୍ନତତ୍ତ୍ୱ ବିଭାଗ । ଏହାରି ମାଧ୍ୟମରେ ସ୍ୱାସ୍ଥ୍ୟକର୍ମୀ, ସମ୍ମୁଖ ଯୋଦ୍ଧା, ବୈଜ୍ଞାନିକ, ଭ୍ଯାକ୍ସିନ୍ ନିର୍ମାତାଙ୍କୁ କୃତଜ୍ଞତା ଦିଆଯିବ ।

On completion of 100 crore vaccine doses Archaeological Survey of India are planning to illuminate 100 heritage monuments across the country in tricolour, marking a tribute to health professionals, frontline workers, scientists, vaccine manufacturers, citizens: Sources pic.twitter.com/tcBW347veM

— ANI (@ANI) October 20, 2021

ଆଜି ସୁଦ୍ଧା ଦେଶରେ ୯୯ କୋଟି ୭୩ ଲକ୍ଷ ୯୯ ହଜାର ୩୨ ଡୋଜ୍ କୋଭିଡ୍ ଟିକା ଦିଆଯାଇଛି । ୭୦ କୋଟି ୫୮ ଲକ୍ଷ ୪୬ ହଜାର ୨୩୫ ଜଣ ପ୍ରଥମ ଡୋଜ୍ ଟିକା ନେଇଥିବା ବେଳେ ୨୯ କୋଟି ୧୫ ଲକ୍ଷ ୫୨ ହଜାର ୭୯୭ ଜଣ ଦ୍ୱିତୀୟ ଡୋଜ୍ ଟିକା ନେଇଛନ୍ତି । ୫୧ କୋଟିରୁ ଅଧିକ ପୁରୁଷ ଟିକା ନେଇଥିବା ବେଳେ ୪୭ କୋଟି ମହିଳା ଟିକା ନେଇଛନ୍ତି ।