ପୁଣି ଦୁଲୁକିବ ବାରବାଟି ଷ୍ଟାଡିୟମ । ଡିସେମ୍ବର ୯ ତାରିଖରେ ଖେଳାଯିବ ଅନ୍ତର୍ଜାତିକ କ୍ରିକେଟ ମ୍ୟାଚ । ପ୍ରସ୍ତୁତ ହେଉଛି ପିଚ୍ । ଭାରତ-ଦକ୍ଷିଣ ଆଫ୍ରିକା ମଧ୍ୟରେ ଟି-ଟ୍ବେଣ୍ଟି ମ୍ୟାଚ ଖେଳାଯିବ। ମଝିରେ ମାତ୍ର ୨୦ ଦିନ ଥିବାରୁ ପିଚ ଓ ପଡିଆର ପ୍ରସ୍ତୁତିରେ ଲାଗିଛନ୍ତି ଗ୍ରାଉଣ୍ଡ ଷ୍ଟାପ ଓ କ୍ୟୁରେଟର ମାନେ । ସେପଟେ ମର୍ଡର୍ଣ୍ଣ ଗ୍ରାସ କଟର ସାହାର୍ଯ୍ୟରେ ପଡିଆର ଗ୍ରାସ କଟିଂ କରାଯାଇ ଏହାକୁ ଚେସ ବୋର୍ଡ ସେଫ୍ ଦିଆ ଯାଉଛି। ପିଚ ରେ ପାଣି ଓ ରୋଲିଂ କାମ ମଧ୍ଯ ଚାଲିଛି। ଅନ୍ଯ ପକ୍ଷରେ ଗ୍ୟାଲେରୀ ମରାମତି ଓ ରଙ୍ଗକାମ ମଧ୍ଯ ଜୋରସୋରରେ ଚାଲିଛି। ସମସ୍ତଙ୍କର ଆଶା ବାରବାଟୀରେ ଏଥର ଏକ ରୋମାଞ୍ଚକର ମ୍ୟାଚ ଦେଖିବାକୁ ମିଳିବ।
ବାରବାଟୀ ରେକର୍ଡରେ କିନ୍ତୁ ଦକ୍ଷିଣ ଆଫ୍ରିକାର ପଲ୍ଲା ଭାରି ରହିଛି । ଏଠାରେ ଦୁଇଟି ମ୍ୟାଚ ଖେଳି ଦକ୍ଷିଣ ଆଫ୍ରିକା ଏକତରଫା ଭାବେ ଭାରତକୁ ହରାଇଛି। ତେଣୁ ଏହି ମ୍ୟାଚ ଉପରେ ଏବେ ସମସ୍ତଙ୍କ ନଜର ରହିଛି। ସେପଟେ ପ୍ରସ୍ତୁତ ସହିତ ଆସନ୍ତା ୧ ତାରିଖରୁ ଅନଲାଇନ ଟିକେଟ ବିକ୍ରି କରିବାକୁ ପ୍ରସ୍ତୁତି ଆରମ୍ଭ କରିଛି ଓସିଏ । ପରେ ପରେ ୩ ଓ ୪ ତାରିଖରେ ଅନୁବନ୍ଧିତ ସଂଘ, ସ୍କୁଲ ଓ କଲେଜ ପାଇଁ ଅଫ ଲାଇନରେ ଟିକେଟ ବିକ୍ରି ହେବ । ପରେ ୫ ତାରିଖରେ କାଉଣ୍ଟରରେ ସାଧାରଣ ଦର୍ଶକଙ୍କ ପାଇଁ ଟିକେଟ ବିକ୍ରି ହେବ। ଆଉ ୨୦ ଦିନ ପରେ ମ୍ୟାଚ। ତେଣୁ ଦର୍ଶକ ଓ ଓଡିଶାର ଯୁବ ଖେଳାଳିଙ୍କ ମଧ୍ୟରେ ଏବେଠୁ ଉତ୍ସାହ ବଢିବାରେ ଲାଗିଛି।
