ଲର୍ଡସରେ ଲଢ଼େଇ କରି ହାରିଲା ଭାରତ: ଟେଷ୍ଟ ସିରିଜରେ ୨-୧ରେ ଇଂଲଣ୍ଡ ଆଗୁଆ

ଲର୍ଡସରେ ଲଢ଼େଇ କରି ପରାଜୟବରଣ କରିଛି ଭାରତ । ଏହାଫଳରେ ଇଂଲଣ୍ଡ ୫ ମ୍ୟାଚ ବିଶିଷ୍ଟ ଟେଷ୍ଟ ସିରିଜରେ ୨-୧ରେ ଆଗୁଆ ରହିଛି । ରବିନ୍ଦ୍ର ଜାଡେଜା ଲଢ଼ୁଆ ଅର୍ଦ୍ଧଶତକୀୟ ପାଳି ଖେଳିଥିଲେ ହେଁ ଶେଷରେ ଭାରତ ୨୨ ରନରେ ପରାଜିତ ହୋଇଥିଲା । ଏହି ମ୍ୟାଚରେ ଦୁଇ ଟିମର ଖେଳାଳିଙ୍କ ମଧ୍ୟରେ ବେଶ୍ ସଂଘର୍ଷ ଦେଖିବାକୁ ମିଳିଥିଲା । ମାତ୍ର ଶେଷରେ ଇଂଲଣ୍ଡ ବାଜି ମାରିନେଇଥିଲା । ଭାରତ ପାଇଁ ଜିତିବାର ଏକ ଭଲ ସୁଯୋଗ ରହିଥିଲେ ହେଁ ତାହା ହାତଛଡ଼ା କରିଥିଲା । ଏହି ମ୍ୟାଚ ହାରିବା ସହ ଭାରତ ସିରିଜରେ ପଛୁଆ ହୋଇ ଯାଇଛି । ସିରିଜରେ ଜିତିବାକୁ ହେଲେ ଭାରତକୁ ପରବର୍ତ୍ତୀ ୨ଟି ଯାକ ଟେଷ୍ଟ ଜିତିବାକୁ ପଡ଼ିବ । ଜାଡେଜା ୧୮୧ଟି ବଲ ଖେଳି ୬୧ ରନ କରି ଶେଷ ପର୍ଯ୍ୟନ୍ତ ଅପରାଜିତ ରହିଥିଲେ ।